Amakuru | Kinyamateka

Afurika y’Epfo: Abepisikopi bamaganye urugomo rukorerwa abimukira basaba abanyapolitiki kudakoresha iki kibazo nk’intwaro ya politiki

Abepisikopi Gatolika bagize Inama y’Abepisikopi ya Afurika Yepfo (SACBC) batangaje ko bahangayikishijwe n’urugomo n’ihohoterwa bikomeje gukorerwa abimukira n’impunzi mu bice bitandukanye bya Afurika y’Epfo, basaba abayobozi ba politiki kudakoresha ikibazo cy’abimukira nk’intwaro ya politiki mbere y’amatora y’inzego z’ibanze ateganyijwe muri iki gihugu.

Theophile NGENDAHIMANA · 20 Gicurasi 2026

Sangiza

Kiliziya / Mu Rwanda

Ruhango: Abarezi n'abanyeshuri ba Saint Joseph TSS Nzuki bishimira ko Inteko y’Umuco yashyize amarushanwa y’Igisoro mu mashuri

Abanyeshuri n’abarezi bo muri Saint Joseph TSS Nzuki, ishuri ryigenga rya Diyosezi Gatolika ya Kabgayi riherereye mu Murenge wa Kabagari mu Karere ka Ruhango, bavuga ko bishimiye intambwe yatewe n’Inteko y’Umuco yo gushyira amarushanwa y’umukino gakondo w’Igisoro mu mashuri yisumbuye n’ay’ubumenyingiro, bakavuga ko ari uburyo bwiza bwo gusigasira umuco nyarwanda no gufasha urubyiruko gukura rufite ubumenyi, ubwenge n’ubusabane.

Theophile NGENDAHIMANA · 20 Gicurasi 2026

Sangiza

Kiliziya / Ku Isi

Papa Leo XIV yongeye guhamagarira Isi gusengera amahoro

Mu nama rusange yo kuri uyu wa Gatatu tariki ya 20 Gicurasi 2026, yabereye ku rubuga rwa Mutagatifu Petero i Vatikani, Papa Leo XIV yongeye gusaba abakiristu n’Isi yose gukomeza gusengera amahoro muri Lebanon no mu bihugu by’Uburasirazuba bwo Hagati bikomeje guhura n’ibibazo by’intambara n’urugomo.

Marie Jeanne Umutoni · 20 Gicurasi 2026

Sangiza

Kiliziya / Mu Karere

Uganda: Abepiskopi basabye diyosezi na paruwasi kwizihiriza Abahowe Imana iwazo nyuma y’isubikwa ry’urugendo rw’i Namugongo

Abepiskopi Gatolika bo muri Uganda basabye diyosezi na paruwasi zo hirya no hino mu gihugu kwizihiriza Umunsi Mukuru w’Abahowe Imana b’ i Bugande ku rwego rwa za paruwasi, nyuma y’uko Guverinoma ya Uganda isubitse ibirori byari byateganyijwe ku rwego rw’igihugu kubera impungenge z’icyorezo cya Ebola gikomeje kwibasira Repubulika Iharanira Demokarasi ya Congo (RDC).

Theophile NGENDAHIMANA · 20 Gicurasi 2026

Sangiza

Kiliziya / Mu Karere

Goma: Myr Willy Ngumbi yasabye za paruwasi gukaza ingamba zo kwirinda Ebola

Mu rwego rwo gukaza ingamba zo kwirinda ikwirakwira ry’icyorezo cya Ebola cyongeye kugaragara mu mujyi wa Goma, Diyosezi Gatolika ya Goma yasabye abakristu n’inzego zose zayo kubahiriza byimazeyo amabwiriza y’isuku n’ubwirinzi muri za Kiliziya, mu ngo z’abakristu no mu miryango y’abihayimana.

Theophile NGENDAHIMANA · 20 Gicurasi 2026

Sangiza

Uburezi n'umuco / Mu Rwanda

Musenyeri Balthazar yasabye abarezi kuvoma kuri Mutagatifu Jean Baptiste De La Salle

Kuri uyu wa 19 Gicurasi 2026, mu ishuri Ecole Saint Jean Baptiste De La Salle Kabgayi (EJEBASKA), bahimbaje umunsi mukuru wa Mutagatifu Jean Baptiste De La Salle waragijwe iri shuri.

Marie Jeanne Umutoni · 19 Gicurasi 2026

Sangiza

Kiliziya / Ku Isi

“Kongere ya SIGNIS mu Rwanda izashyira mu bikorwa ubutumwa bwa Papa Leo XIV’’ Padiri Prof. Walter C. Ihejirika

Perezida wa SIGNIS Africa, Padiri Prof. Walter C. Ihejirika, yatangaje ko Kongere Mpuzamahanga ya SIGNIS izabera i Kigali mu Rwanda kuva tariki ya 3 kugeza ku ya 8 Kanama 2026, izaba uburyo bwo gushyira mu bikorwa ubutumwa bwa Papa Leo XIV bwo kwizihiza Umunsi Mpuzamahanga w’Itumanaho ku nshuro ya 60.

Marie Jeanne Umutoni · 19 Gicurasi 2026

Sangiza

Kiliziya / Mu Rwanda

Abepiskopi barahamagarira abiyita “Abatowe” guhagarika ibikorwa by’ubuyobe

Mu Nteko Rusange ya 178 y’Inama y’Abepiskopi Gatolika mu Rwanda yateraniye kuri Centre Pastoral y’Abepiskopi ku Ruyenzi kuva tariki ya 12 kugeza ku ya 15 Gicurasi 2026, Abepiskopi bongeye kugaruka ku kibazo cy’itsinda ryiyita “Abatowe”, basaba abarigize guhagarika ibikorwa byabo bitajyanye n’inyigisho n’imikorere bya Kiliziya Gatolika, ahubwo bakagaruka mu murongo wayo.

Theophile NGENDAHIMANA · 19 Gicurasi 2026

Sangiza

Kiliziya / Mu Rwanda

Kibuye: Chorale Saint Pierre Urumuli yatangije Yubile y’Imyaka 50, yishimira amateka yayo n’umusanzu ikomeje gutanga muri Liturujiya

Ku Cyumweru tariki ya 17 Gicurasi 2026, ku munsi mukuru wa Asensiyo, Chorale Saint Pierre Urumuli yo muri Paruwasi ya Kibuye yisunze Mutagatifu Petero, muri Diyosezi Gatolika ya Nyundo, yatangije ku mugaragaro urugendo rwa Yubile y’imyaka 50 imaze ikorera ubutumwa bwo gufasha abakristu guhimbaza Imana no kunoza Liturujiya binyuze mu ndirimbo.

Theophile NGENDAHIMANA · 19 Gicurasi 2026

Sangiza

Kiliziya / Muri Africa

Ku Munsi Mpuzamahanga w’Itumanaho, abanyamakuru basabwe gukorana ubunyangamugayo

Musenyeri Martin Kivuva Musonde umushumba wa Arikidiyosezi Gatolika ya Mombasa akaba na Visi Perezida wa Komisiyo ishinzwe Itumanaho mu Nama y’Abepisikopi Gatolika muri Kenya yasabye abanyamakuru n’abakora mu itangazamakuru n’itumanaho rya Kiliziya Gatolika kurinda ukuri, agaciro ka muntu ndetse no gukorana ubunyangamugayo mu gihe isi ikomeje kwinjira mu ikoranabuhanga rigezweho ry’ubwenge buhangano (AI).

Marie Jeanne Umutoni · 18 Gicurasi 2026

Sangiza

Kiliziya / Vatikani

“Gusubira mu ijuru kwa Yezu Kristu kutwerekeza ku Mana, kukubaka ubumwe n’amahoro” Papa Leo XIV”

Umushumba wa Kiliziya Gatolika ku Isi, Papa Leo XIV, yavuze ko Umunsi Mukuru w’Isubira mu ijuru rya Yezu Kristu wibutsa abakristu ko Kristu adahamagara abantu kujya kure y’ubuzima bw’Isi, ahubwo abazamurira mu bumwe busesuye na Data ndetse no mu mahoro n’ubuvandimwe.

Marie Jeanne Umutoni · 18 Gicurasi 2026

Sangiza

Kiliziya / Mu Karere

Musenyeri Mukeng’a Kalond witabye Imana ku myaka 95 yashimiwe umurage ukomeye yasize muri Kiliziya ya RDC

Kiliziya Gatolika muri Repubulika Iharanira Demokarasi ya Congo (RDC) iri mu gahinda nyuma y’urupfu rwa Nyiricyubahiro Musenyeri Godefroid Mukeng’a Kalond, wahoze ari Arkiyepiskopi wa Arikidiyosezi ya Kananga, witabye Imana ku wa Kane tariki ya 14 Gicurasi 2026 i Kinshasa azize uburwayi. Yari afite imyaka 95.

Theophile NGENDAHIMANA · 17 Gicurasi 2026

Sangiza

Kiliziya / Mu Rwanda

Ruhango: Ibyo wamenya kuri Saint Joseph TSS Nzuki, ishuri ryaje mu ya mbere 10 mu gihugu mu ishami ry’ubukanishi bw’ibinyabiziga

Kuri uyu wa Gatandatu tariki ya 16 Gicurasi 2026, muri Paruwasi Saint Jean Nzuki ya Diyosezi Gatolika ya Kabgayi, iherereye mu Murenge wa Kabagari, Akarere ka Ruhango, habereye ibirori byo kwizihiza umunsi mukuru w’ishuri rya Saint Joseph TSS Nzuki, ishuri rikomeje kwigaragaza nk’icyitegererezo mu burezi bw’imyuga n’ubumenyingiro mu Rwanda.

Theophile NGENDAHIMANA · 17 Gicurasi 2026

Sangiza

Kiliziya / Mu Rwanda

Musenyeri Ntivuguruzwa yasabye abanyeshuri ba Saint Joseph TSS Nzuki gukora neza imirimo bashinzwe no kwigira kuri Mutagatifu Yozefu

Kuri uyu wa Gatandatu tariki ya 16 Gicurasi 2026, muri Paruwasi Saint Jean Nzuki ya Diyosezi Gatolika ya Kabgayi, iherereye mu Murenge wa Kabagari, Akarere ka Ruhango, habereye ibirori byo kwizihiza umunsi mukuru w’ishuri rya Saint Joseph TSS Nzuki, byabanjirijwe n’Igitambo cya Misa cyatuwe n’Umushumba wa Diyosezi ya Kabgayi, Nyiricyubahiro Musenyeri Balthazar Ntivuguruzwa.

Theophile NGENDAHIMANA · 16 Gicurasi 2026

Sangiza