Yanditse inkuru 355 kuri Kinyamateka. Kuva 28 Mata 2023 kugeza 29 Mata 2026.
Zerekanwe 14 muri 355
Umushumba wa Kiliziya Gatolika ku Isi, Papa Léon XIV, yasabye ko intambara yo muri Gaza ihagarara kuko ikomeje guhitana abantu benshi biganjemo abasivile.
Kuri iki cyumweru tariki ya 20 Kamena 2025, Abakristu ba Paruwase ya Kabugondo bari mu byishimo byo guhimbaza isabukuru y’umwaka umwe ushize bahawe paruwase yabo ya Kabugondo ibyawe na Paruwase ya Mugina.
Paruwasi ya Ruhango n'ubuyobozi bw'Ikibaya cy'Amahoro baratangaza ko batangiye imirimo yo gushyira mu bikorwa ibyasabwe na RGB kugira ngo Isengesho ryo mu Kibaya cy'Amahoro risubukurwe, bakaba basaba abakristu bose kugira uruhare muri ibi bikorwa kugira ngo mu gihe cy'Amezi abiri bizabe byarabonetse.
Padiri RWASA Chrysante wabaye padiri mukuru wa Paruwasi ya Gikondo, ni umwe mu bapadiri babiri b'Abapalotini bizihije Yubile y'imyaka 25 y'Ubusaseridoti, mu birori biteganyijwe kuri iki cyumweru tariki 29 Kamena 2025, kuri Paruwasi ya Gikondo.
Kuri uyu wa 04 Mata 2025 I Kabgayi muri Centre CEFOPPAK habereye inama y’inteko rusange ya Caritas ya Diyosezi ya Kabgayi. Ni inama yahuje abafatanyabikorwa bayo bose n’abayihagarariye hirya no hino muri paruwase zose, abafashamyumvire na bamwe mu bagenerwabikorwa bayo muri Diyosezi ya Kabgayi. Inama y’inteko rusange yatangijwe na Myr Balthazar Ntivuguruzwa umwepisikopi wa Diyosezi ya Kabgayi akaba n’umuyobozi mukuru wa Caritas muri Diyosezi ya Kabgayi. Yari igamije kugaragaza ibyakozwe mu mwaka wa 2024 no gufata ingamba nshya zizagenderwaho mu mwaka utaha wa 2025. Caritas ya Diyosezi yagaragaje ko umusaruro w’ukwezi k’urukundo n’impuhwe 2024 wikubye 3 ugereranyije n’umusaruro wabonetse mu kwezi k’urukundo n’impuhwe muri 2023.
Mu marushanwa y’umuco mu mashuri abanza n’ayimbuye yabaye kuva tariki ya 29-30 Werurwe 2025, itorero Urugwiro ry’ishuri ryisunze mutagatifu Berenadeta ku Kamonyi ESB ryegukanye igikombe ku mwanya wa mbere mu mashuri yisumbuye mu cyiciro cy’Imbyino n’amanota 90%.
Kuri uyu wa gatandatu tariki ya 29 Werurwe 2025, Hotel Saint André Kabgayi yatashye inyubako nshya mu rwego rwo kwagura ibikorwa biyifasha gutanga service nziza ku buryo bunoze. Ni inyubako yahawe umugisha n’umwepisikopi wa Diyosezi ya Kabagayi, Myr Balthazar Ntivuguruzwa ari kumwe na Myr Simaragde Mbonyintege uri mu kiruhuko cy’izabukuru n’abasaseredoti batandukanye baje kwishimira intambwe nziza ya Hotel Saint André Kabagayi mu gushyiraho ibikorwa biyifasha gutanga service nziza kandi inoze ku bayigana bose.
Vatikani yatangaje ko uruzinduko rw’Umwami Charles III w’Ubwongereza n’Umwamikazi Camilla, rwari ruteganyijwe mu cyumweru gitaha, rwasubitswe kubera ko Papa akirwaye kandi nk’uko byatangajwe ubwo yavaga mu bitaro ko akeneye kuruhuka kugira ngo Papa Francisiko abone umwanya uhagije wo kongera gusubira mu buzima bwiza nyuma y’indwara y’ibihaha (pneumonie) yatumye ajyanwa mu bitaro igihe kigera ku minsi 38.
Mu gihe Côte d’Ivoire yitegura amatora ya perezida ateganyijwe mu kwezi kwa cumi uyu mwaka 2025, Abepisikopi Gatolika bo muri iki gihugu batanze ubutumwa basaba ko amatora yategurwa kandi agakorwa mu mahoro, mu mucyo no mu bwisanzure , banagaragaza impungenge bafite ku migendekere y’ayo matora.
Vatikani yatangaje inkuru nziza ku bakristu gatolika ku isi yose n’abakurikirana ubuzima bwa Nyirubutungane Papa Fransisko ivuga ko kuri iki cyumweru tariki ya 23 Werurwe 2025 biteganyijwe ko Papa Fransisiko asezererwa mu bitaro bya Gemelli aho yari amaze ukwezi kurenga arwariye indwara ikomeye y’ubuhumekero.
Kuva tariki ya 7 kugeza tariki ya 10 Mata 2025 biteganyijwe ko umwami Charles III w’ubwongereza n’umwamikazi Camilla bazagirira uruzinduko rw’akazi i Vatikani aho bazahura na Nyirubutungane Papa Fransisiko, bitewe n’uko azaba ameze nyuma yo kuba amaze ukwezi kurenga arwaye indwara yo mu buhumekero mu bitaro bya Gemeli.
Furere HAKORIMANA Diogène wo mu muryango w’abafurere ba Bayozefiti witabye Imana tariki ya 12 /03/ 2025 azize uburwayi yashyinguwe mu irimbi ry’abafurere I Gakurazo muri paruwase ya Byimana kuri uyu wa 17 Werurwe 2025.
Imwe mu nyubako y’ikigo nderabuzima cya Musambira giherereye mu karere ka Kamonyi mu murenge wa Musambira yafashwe n’inkongi y’umuriro irashya irakongoka. Bimwe mu bikoresho byari mu nyubaho byangiritse ariko ngo nta muntu n’umwe wahasize ubuzima. Abasanzwe bagana iki kigo nderabuzima bavuga ko bafite impungenge zo kubura aho bazajya bahererwa service z’ubuzima. Ibi byabaye kuri uyu wa 12 Werurwe 2025 mu masaha ya mugitondo.
Kuri uyu wa 08 werurwe 2025, Diyosezi ya Kabgayi yahimbaje ku nshuro ya mbere umunsi w'umuco mu mashuri, mu rwego rwo guteza imbere uburezi bwubakiye ku muco mu mashuri Gatolika y'iyi Diyosezi.
