Yanditse inkuru 355 kuri Kinyamateka. Kuva 28 Mata 2023 kugeza 29 Mata 2026.
Zerekanwe 14 muri 355
Kuri uyu wa 04 Werurwe 2025 Diyosezi ya Kabgayi yishimiye intambwe ikomeye Hotel Lucerna Kabgayi yateye yo gushyirwa ku rwego rwa Hoteli y’inyenyeri eshatu.
Kuri 5 Werurwe 2025, Kiliziya Gatolika iratangira igisibo, ari cyo gihe cy'iminsi 40, itegurira abakristu guhimbaza Pasika.
Kuri iyi cyumweru tariki ya 02 Werurwe 2025, abakristu ba paruwase ya Cyeza muri Diyosezi ya Kabgayi bishimiye gusangira igitambo cya misa n’urubyiruko rwavuye muri Paruwase ya Aubange yo mu gihugu cy’ububiligi. Uru rubyiruko rwageze I Cyeza kuva tariki ya 25 Gashyantare 2025 ruje gusura urubyiruko rwa Paruwase ya Cyeza mu rwego gusabana no kureba uko babayeho ndetse na bimwe mu bigize umuco nyarwanda. Ni ku nshuro ya mbere iyi gahunda y’urubyiruko rwa Aubange ibayeho, ikaba ije ikurikira ibindi bikorwa bikorwa byiza abakristu ba Paruwase ya Cyeza bashimira paruwase ya Aubange birimo inkunga zo kuvugurura amashuri na santarale byo muri iyi paruwase.
Abaganga bavura amaso bagera kuri 13 baturutse ku bitaro bitandukanye hirya no hino mu gihugu harimo 3 bavuye mu bihugu byo hanze y’u Rwanda bahuguwe n’ibitaro by’ikitegererezo bivura amaso bya Kabgayi ku buryo bwo kubaga ijisho rifite uburwayi bw’ishaza hifashishijwe uburyo bw’ikoranabuhanga ryisumbuye. Iki ni icyiciro cya kabiri cy’abaganga bavura amaso ku bitaro bitandukanye kiri guhabwa amahugurwa. Abahuguwe bavuga ko kongererwa ubumenyi ku bijyanye no kuvura ijisho rifite uburwayi bw’ishaza hifashishijwe uburyo bw’ikoranabuhanga ryisumbuye ari ingenzi cyane kuko bizabafasha gutanga service nziza ku barwayi babagana ,bakabavura nta mbogamizi bahuye nazo , bidasabye ko babohereza ku bindi bitaro bifite abaganga b’inzobere.
Myr Sebastien Joseph Muyengo,Umwepisikopi wa Uvira, muri Repubulika Iharanira Demokarasi ya Kongo, aratabariza abatuye Uvira avuga ko hakomeje kugaragara umwuka w’ubwoba butewe n'ubwicanyi n’urugomo bikomeje kwiyongera muri uyu Mujyi.
Mu itangazo ryashyizwe ahagaragara ku wa gatandatu, tariki ya 22 Gashyantare, Inama y’abepisikopi Gatolika muri Congo (CENCO) bamaganye ibikorwa byo guhiga no gutoteza abantu bavuga ururimi rw’ igiswahili i Kinshasa no mu bindi bice bigize iki gihugu.
Padiri Vedaste Kayisabe, Umunyamabanga Mukuru w'Inama y'Abepiskopi Gatolika mu Rwanda, yatangaje ko Inteko Rusange y'Inama y'Abepiskopi Gatolika mu Rwanda iteganyijwe muri Werurwe uyu mwaka izabera, mu Nyubako nshya y'Abepiskopi iri ku Ruyenzi, mu Murenge wa Runda, Akarere ka Kamonyi.
Ubwo hizihizwaga umunsi mukuru wa Bikiramariya umwamikazi wa Lourdes, ku wa 11 Gashyantare 2025, abana biga mu ishuri rya Groupe scholaire Notre Dame de Lourdes Byimana bagaragaje ibibazo bafite bibabangamiye birimo n’ikibazo cy’amabati ya Fibro ciment asakaye zimwe mu nyubako z’ishuri
Myr Balthazar Ntivuguruzwa, Umwepisikopi wa Diyosezi ya Kabgayi yatangaje ko Diyosezi ya Kabgayi na Kiliziya gatolika mu Rwanda bishimiye ko ingoro ya Yezu Nyirimpuhwe mu Ruhango yashyizwe ku rutonde mpuzamahanga rw'Ingoro nyobokamana ku isi.
Tariki ya 11 Gashyantare buri mwaka Kiliziya gatolika ku isi, yizihiza umunzi mukuru wa Bikiramariya umwamika wabonekeye I Lourdes mu Bufaransa. Mu Rwanda hari amashuri yisunze bikiramariya umwamikazi wa Lourdes harimo n’ishuri ry’abakobwa ryo mu Byimana muri Diyosezi ya Kabgayi.
Kuri uyu wa gatandatu tariki ya 8 Gashyantare 2025, urubyiruko ruturutse muri Diyosezi zose z'u Rwanda rwakoreye urugendo nyobokamana mu ngoro ya Yezu Nyirimpuhwe mu Ruhango.
Inama yahuje abayobozi n'abahagarariye ihuriro mpuzamiryango y'amadini n'amatorero na Kiliziya gatolika mu Rwanda RIC (Rwanda Inter Religious Council) yatanze umuti w'ibibazo bigaragara mu madini n'amatorero na Kiliziya gatolika harimo inyigisho z'ubuyobe zikomeje gukwirakwizwa hirya no hino, gusengera ahatemewe, amazina n'inyito z'abayobozi b'amadini n'amatorero ndetse n'ubuhanuzi.
Mu nama yahuje abayobozi b’ibigo by’amashuri gatolika yo muri Diyosezi ya Butare, kuri uyu wa gatanu tariki ya 31 Mutarama 2025, Myr Jean Bosco Ntagungira umwepisikopi wa Diyosezi ya Butare yasabye abayobozi b’ibigo by’amashuri bibarizwa muri iyi Diyosezi gusigasira uburezi gatolika, kubukunda kandi bikagaragarira bose. Ni inama yitabiriwe n’abayobozi b’ibigo by’amashuri, abayobozi b’uturere twa Huye, Gisagara na Nyaruguru bashinzwe imibereho myiza y’abaturage n’abayobozi bashinzwe ishami ry’uburezi muri utwo turere.
Komisiyo y’Abepisikopi gatolika mu Rwanda ishinzwe ubwigishwa na katesheze yateguye uburyo bwiza bwo gutangiza ikoranabuhanga rya Katesheze Digitale kugira ngo ribashe korohereza abantu gukurikirana ibyerekeranye n’Iyobokamana.
