Inkuru 2,353 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Guhera mu myaka ya mbere, Kiliziya yari ifite isengesho ryiza cyane rigaragaza urukundo n’icyubahiro ifitiye umubyeyi wa Yezu. Ukwemera uwo Mubyeyi byemejwe n’inama nkuru yabereye Efezi mu mwaka wa 431, ivuguruza abahakanaga ububyeyi bwa Bikira Mariya abyara Jambo wigize umuntu.
Ku wa 11 Gashyantare 1858, Bikira Mariya yabonekeye Berenadeta (Bernadette) Subiru(Soubirous) w’imyaka 14; ubwo yari agiye gutashya inkwi hamwe na bagenzi be babiri hafi y’urutare rwa Masabiyeli, ni mu misozi ya Pirene, iherereye mu majyepfo y’u Bufaransa; Bernadete yirabutswe urumuri rutuje mu buvumo bwari buri aho, maze muri urwo rumuri hatungukamo umugore mwiza bihebuje wambaye imyenda yera.
Kuri uyu wa 7 Ukuboza 2022, kuri Paruwasi ya Kicukiro muri Arikidiyosezi ya Kigali habereye ibirori bya Yubile y'imyaka 50, Umuryango w'Abari b'Urukundo (Les Filles de la Charite), umaze ukorera mu Karere k'Afurika yo hagati.
I Guadelupe ni hamwe mu hantu Kiliziya Gatolika yemeje ko Bikira Mariya yahabonekeye, akanahatangira ubutumwa, uyu munsi hakaba hakorerwa ingendo nyobokamana n’abavuye mu bihugu byo ku isi. Ni ho hantu hambere ku mugabane w’Amerika Bikira Mariya yabonekeye
Komisiyo ishinzwe iyogezabutumwa ryo muri Amerika y’Epfo(The Pontifical Commission for Latin America) i Roma yatangaje ko Nyirubutungane Papa Fransisiko azayobora Igitambo cy’Ukaristiya kizaturirwa i Roma ku wa 12 Ukuboza 2022 ku munsi Kiliziya ihimbazaho amabonekerwa ya Bikira Mariya i Guadelupe mu gihugu cya Mexique.
Mu gihe urukiko rwa Kiliziya rusuzumye ubusabe bw’abashakanye gikristu bifuza gutandukana rugasanga Isakaramentu ry’ugushyingirwa bahanye ritari ryuzuye, Abakuriye urukiko rwa Kiliziya gatolika mu Rwanda bavuga ko kabone n’ubwo byaba byaragenze bityo bidakura ku babyeyi inshingano zo kurera abo babyaranye.
Mu muhango wabereye ku cyicaro cy’Inama y’Abepiskopi gatolika mu Rwanda i Kigali ku wa 1 Ukuboza 2022, Abapadiri batanu bo mu madiyosezi atandukanye barahiriye kuzuza inshingano mu butumwa bahawe mu rukiko rwa Kiliziya Gatolika mu Rwanda TECIR.
Kuri uyu wa Gatandatu tariki 3 Ukuboza 2022, Myr Edouard Sinayobye, Umwepiskopi wa Cyangugu, yafunguye ku mugaragaro urugo rushya rw'Ababikira b'Izuka, ruherereye muri paruwasi ya Mushaka, Santarali ya Murehe.
Musenyeri Anaclet Mwumvaneza, umushumba wa diyosezi ya Nyundo, kuri uyu wa Gatandatu, tariki 03 Ukuboza 2022, yatangije ku mugaragaro urugendo rw’umwaka wa yubile y’imyaka 50 Ivugururwa muri Roho Mutagatifu (Renouveau Charsmatique) rimaze mu Rwanda no muri Diyosezi ya Nyundo by’umwihariko.
Kuri uyu wa Kane tariki ya 1 Ukuboza 2022, Abepiskopi batoreye Nyiricyubahiro Antoni Karidinali Kambanda kuba Perezida w'Inama y'Abepiskopi Gatolika mu Rwanda.
Karidinali Mario Grech umunyamabanga mukuru ushinzwe ibikorwa bya Sinodi y’Abepiskopi i Roma aravuga ko intera imaze kugerwaho mu gukora Sinodi y’Abepiskopi hirya no hino muri Kiliziya Gatolika ishimishije, agasaba ko kugendera hamwe no gutega amatwi byakomeza.
Kapiteni w’ikipe y’igihugu cya Polonye akaba na rutahizamu w’ikipe ya FC Barcelone yo muri Espanye avuga ko kuba umukristu gatolika bifite icyo bimufasha mu gukoresha impano yo gukina umupira w’amaguru.
Mu gihe amakipe yose yitabiriye igikombe cy’isi cya 2022 kirimo gukinirwa muri Qatar yifuza kuzagitwara, abenshi mu bagihatanira bakomeje kugaragaza ko Imana isumba byose kandi itanga byose ariyo yabashoboza maze bakagitwara.
Mu kiganiro Papa Fransisiko yagiranye n’itsinda ry’abanyamakuru bandika ikinyamakuru “America Magazine” kuri uyu wa mbere tariki 28 Ugushyingo 2022, yavuze ko abagore batemerewe kuba abapadiri muri Kiliziya Gatolika, gusa ko hari imyanya y’ubuyobozi bwayo bashobora gukoramo.
