Komisiyo y'Abepiskopi y'ubutabera n'Amahoro igiye gutangiza gahunda y'imyaka itatu yo kurwanya ihohoterwa rikorerwa abagore
Kuva kuwa 20 Kamena 2023, Komisiyo y'Ubutabera n'Amahoro mu Nama y'Abepisikopi Gatolika mu Rwanda yatangije amahugurwa y'iminsi itatu, agamije kongerera ubushobozi abazagira uruhare mu ishyirwa mu bikorwa rya gahunda y'imyaka itatu, yo kurwanya ihohoterwa rikorerwa abagore mu ngo no mu kazi. Iyi gahunda ikazakorerwa mu madiyosezi ya Gikongoro na Cyangugu guhera mu mwaka utaha wa 2024.