Inkuru 2,359 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Mu butumwa yagejeje ku baseminari barererwa muri Seminari Nkuru ya Kabgayi, kuri uyu wa 29 Mutarama 2023, mu birori bya Mutagatifu Tomasi w'Akwini, yabasabye kwiga kubana n'abandi kuko bikenewe cyane muri iki gihe abantu batwawe no kwihugiraho.
Mu gikorwa cyo gusoza icyumweru cyo gusabira ubumwe bw'Abakristu, cyateguwe n'ihururo ry'amadini n'amatorero mu Karere ka Huye, cyabereye muri Kaminuza y'U Rwanda ishami rya Huye, kuri uyu wa 28 Mutarama 2023, Musenyeri Filipo RUKAMBA Umushumba wa Diyosezi ya Butare, yashimye uruhare rw'iri huriro mu kubaka ubumwe hagati y'amadini asaba abakristu kumvira Ijambo ry'Imana bakirinda icyabatandukanya.
Kuwa 27 Mutarama 2023, Nyiricyubahiro Antoni Karidinali Kambanda yifatanyije n’abayobozi, abarezi ndetse n’abanyeshuri b’ishuri nderabarezi rya Zaza (TTC Zaza) mu gikorwa cyo kwizihiza umunsi mukuru wa Mutagatifu Yohani Bosiko iri shuri ryisunze wanahujwe no gutaha ku mugaragaro ndetse no guha umugisha shapeli nshya yubatswe muri iri shuri.
Mu kiganiro yagiranye n'ibiro ntaramakuru by'Abanyamerika "Associeted press", Papa Fransisiko yanenze ibihugu bishingira ku mico n'imyemerere bikakaye bigashyiraho amategeko ahana abatinganyi kugera n'aho bakatirwa urwo gupfa.
Mu butumwa bugenewe Umunsi Mpuzamahanga wahariwe Itumanaho muri Kiliziya uzahimbazwa ku nshuro ya 57 uyu mwaka, Papa Fransisiko yashyize ahagaragara kuri uyu wa 24 Mutarama 2023, yasabye Abanyamakuru Gatolika Kuvugisha ukuri bayobowe n'umutima wuje urukundo ruzira uburyarya kuko ari byo bizatuma amakuru yabo ahuza abantu aho kuba intandaro y'amakimbirane.
Kuri uyu wa kabiri tariki 24 Mutarama 2023, muri Hoteli Ste Famille i Kigali hateraniye inama yahuje abahagarariye Kiliziya, amadini, amatorero,abahagarariye imiryango itegamiye kuri Leta n’inzego za Leta mu rwego rwo kuganira ku bibazo byugarije umuryango muri iyi minsi, no gufatanya gushaka ibisubizo kuri ibi bibazo.
Ku cyumweru tariki 22 Mutarama 2023, Kiliziya Gatolika ku isi hose yahimbaje icyumweru cy’Ijambo ry’Imana. Mu maparuwasi yose yo mu Rwanda, kimwe n’ahandi hose ku isi bahimbaje iki cyumweru, hagarutswe ku byiza n’agaciro k’Ijambo ry’Imana mu buzima bwa muntu no ku isi.
Raporo y’umwaka wa 2023 y’Umuryango wa “Open Doors” ukurikirana imibereho y’abakristu mu bihugu bitandukanye ku isi iragaragaza ko igihugu cya Koreya ya ruguru kikiri ku mwanya wa mbere mu bihugu 50 biberamo ibikorwa byinshi by’itotezwa rikorerwa abakristu, bazizwa imyemerere yabo.
Mu nama yahuje Myr Filipo Rukamba, Umwepiskopi wa Butare n’abashinzwe ikenurabushyo ry’urubyiruko muri iyi diyosezi, inama yateraniye muri cyumba cy’inama cyitiriwe Mutagatifu Yohani Batisita (Procure Butare) ku wa 13 Mutarama 2023, Umwepiskopi yashishikarije urubyiruko kurushaho gukunda imiryango remezo n’imiryango ya Agisiyo gatolika nk’inzira irufasha kwitagatifuza no gukomera mu bukristu.
Ku mugoroba wo ku wa gatatu tariki 18 Mutarama 2023, Ku kicaro gikuru cya Eglise Presbyterienne mu Rwanda (EPR)mu Kiyovu habereye umuhango wo gutangiza icyumweru cy’ubumwe bw’abakristu, mu mwaka wa 2023.
Abakristu bo muri Paruwasi Gatolika ya Managua iherereye mu murwa mukuru wa Nicaragua baravuga ko bababajwe n’igikorwa kigayitse cyakozwe n’abantu batazwi, bitwikiriye ijoro ryo ku wa 15 Mutarama 2023 bakagaba igitero kuri kiliziya, bakamena bimwe mu bikoresho byo mu kiliziya birimo n’ubushyinguro bw’Isakaramentu ritagatifu Taberinakulo.
Umugabo witwa Carlos Alonso utuye mu mujyi wa Monterrey, mu gihugu cya Megizike(Mexico) yajyanywe mu bitaro na Polisi yo muri uyu mujyi nyuma yo gukomeretswa n’inkota y’ishusho ya Malayika Mikayile ubwo yageragezaga kwiba iyi shusho.
Mu nama yahuje MINUBUMWE n'abahagarariye amadini n'amatorero, kuri uyu wa 17 Mutarama 2023, Myr Visenti Harolimana, Umuyobozi wungirije w'Inama y'Abepiskopi Gatolika mu Rwanda, yagaragaje uko Kiliziya yitangiye urugendo rw'isanamitima no kwimakaza ubumwe n'ubudaheranwa kandi ikaba ikomeje ibinyujije muri Komisiyo y'Abepiskopi y'Ubutabera n'Amahoro.
Ku cyumweru tariki 22 Mutarama 2023, Kiliziya Gatolika izahimbaza icyumweru cy’Ijambo ry’Ijambo ry’Imana ku ncuro ya gatanu; uyu munsi ukazizihizwa i Roma no muri Kiliziya yose ku isi.
