Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Mu ruzinduko rw’iminsi itatu Perezida wa Polonye Andrzej Duda na Madamu we Agata Kornhauser–Duda bazagirira mu Rwanda kuva ku wa Kabiri tariki ya 06 Gashyantare 2024, biteganyijwe ko bazasura ubutaka butagatifu i Kibeho kwa Nyina wa Jambo.
Ku mugoroba wo kuri iki Cyumweru tariki ya 04 Gashyantare 2024 Diyosezi ya Kabgayi yagaragaje ko yiteguye kwakira ibirori byo gutangiza urugendo rwa Yubile y’impurirane 2025 na 125.
None tariki ya 4 Gashyantare 2024, isi irahimbaza ku nshuro ya 4 Umunsi mpuzamahanga wahariwe ubuvandimwe bwa muntu.
Mu rwandiko rwiswe "Gestis Verbisque", rwo kuri uyu wa 3 Gashyantare 2024, Ibiro bishinzwe kurinda ukwemera Gatolika byatangaje ko bibujijwe guhindura amagambo, ibimenyetso cyangwa imihango biteganyijwe mu itangwa ry'amasakaramentu ndetse ko igihe bikozwe bitesha agaciro Isakaramentu ryatanzwe.
Kuri uyu wa 2 Gashyantare 2024, Ni bwo Centre Diocesain de Pastorale Incuti, ya Diyosezi ya Cyangugu, yatashye ku mugaragaro Salle Incuti, Inzu Mberabyombi igezweho, ifite ubushobozi bwo kwakira abagera ku 1200.
Mu rugendo nyobokamana rwabereye i Kibeho kuri uyu wa Gatanu, tariki ya 2 Gashyantare 2024, Abihayimana basabwe kuba umunyu n’urumuri rw’isi baharanira kwera imbuto nziza.
Ku mugoroba w'uyu wa 1 Gashyantare 2024, Icyumba cya Paruwasi ya Sainte Famille gikoreshwa nk'Ibiro, cyafashwa n'inkongi hahiramo ibikoresho bitandukanye byari birimo.
Mu butumwa yagejeje ku bagororwa bo mu Igorororero rya Rusizi bakatiwe kubera icyaha cya Jenocide yakorewe abatutsi 1994, abenshi bakaba bari no kwitegura kurangiza ibihano byabo , Padiri Irakoze Hycinthe, umuyobozi wa Komisiyo y'ubutabera n'amahoro na Caritas muri diyosezi ya Cyangugu, yahumurije abo bagororwa ababwira ko bagomba gushira impumu kuko yaba kiliziya, abakristu, imiryango yabo, abarokotse Jenoside yakorewe Abatutsi ndetse n'abanyarwanda muri rusange bose biteguye kubakira mu gihe bazaba batashye barangije ibihano byabo.
Mu birori byo gusoza ukwezi kwahariwe Ikenurabushyo ry’urubyiruko, Padiri Alexis Ndagijimana, Umunyamabanga wa Komisiyo ishinzwe ikenurabushyo ry’urubyiruko yongeye kwibutsa urubyiruko ko rukwiye kuba maso ku byonnyi birwugarije birimo ubusinzi n’amacakubiri.
Mu butumwa yagejeje ku Bepiskopi bagize ACEAC n'abakristu bifatanyije nabo mu Isengesho ryo gusabira amahoro akarere k'Ibiyaga Bigari, ryabereye I Goma muri RDC, Karidinali Ambongo, Arikiyepiskopi wa Kinshasa, yasabye abaturage n'abayobozi, kwikuramo imyumvire yo gushakira ibisubizo by'ibibazo by'Akarere mu ntambara, ahubwo bakimakaza inzira y'amahoro n'ibiganiro.
Mu birori byo gusoza ukwezi kwahariwe ikenurabushyo ry’urubyiruko, byabereye muri Diyosezi ya Butare, Paruwasi ya Gisagara, Myr Papias Musengamana, Umwepiskopi wa Diyosezi ya Byumba ari nawe Perezida wa Komisiyo y’Abepiskopi ishinzwe ikenurabushyo ry’urubyiruko yasabye urubyiruko guha imbaraga zidasanzwe imiryango ya Agisiyo Gatolika irimo kugenda icika intege cyane cyane mu bana no mu rubyiruko.
Kuva tariki ya 22 Mutarama 2024, abagize inama y'ubutegetsi ya Catholic Relief Service (CRS) bari mu Rwanda mu ruzinduko rugamije gusobanukirwa neza ibikorwa bya CRS Rwanda no guhura n'abafatanyabikorwa bayo b’ingenzi.
Mu birori byo guhimbaza Umunsi mukuru wa Mutagatifu Tomasi wa Akwini, Seminari nkuru ya Kabgayi [Philosophicum] yiragije, Padiri Vedaste Kayisabe wari Umuyobozi w’iyi Seminari yashimiwe imirimo yahakoze.
Aya ni amagambo Papa Fransisiko yabwiye abagize umuryango utera inkunga w'Abataliyani witwa "Nolite Timere", ufasha Abarokotse Jenoside yakorewe Abatutsi muri Mata 1994, ubwo yabakiraga i Vatikani.
