Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Myr Balthazar Ntivuguruzwa, Umwepiskopi wa Kabgayi yagize Padiri Prof. Dr. Fidèle Dushimimana, Umuyobozi mushya wa Kaminuza Gatolika ya Kabgayi (ICK).
Inama y'Abepiskopi muri Benin na Nijeri iragaya abatekereza ko ibibazo iki gihugu kirimo byakemurwa n'intambara. Bahereye ku byabaye kuri Libiya barasaba ko iyi mitekerereze yahagarara ahubwo hagashyirwa imbere ibiganiro.
Akarere ka Nyanza gafatwa nk’igicumbi cy’umuco kuko gasigasiye amateka maremare y’umuco. Mu kwizihiza umunsi w’umuganura, bamwe mu bahatuye baganiriye na Kinyamateka bavuga ko bifuza ko imbuto y’amasaka yashyirwa mu mbuto zitoranywa igakomeza guhingwa ku rugero rushimishije nk’uko byahoze kuva kera na kare.
Asoza umwiherero w'iminsi ine waberaga mu Iseminari Nto ya Karubanda kuva kuwa 4 Kanama 2023, Myr Filipo Rukamba, Umwepiskopi wa Butare yasabye urubyiruko rugera kuri 200 rwitabiriye uyu mwiherero kutagira ubwoba bwo kwiyegurira Imana no gutsinda ababitambika imbere bababuza gukorera Imana.
Myr Balthazar Ntivuguruzwa umwepiskopi wa Kabgayi yashimiye paruwasi ya Mushishiro uko ikomeje kubyarira Kiliziya abapadiri benshi kandi beza uhereye kuri padiri w'imfura yabo padiri Celestin Niwenshuti washinze umuryango w'Abarangarukundo.
Musenyeri Balthazar Ntivuguruzwa, Umwepiskopi wa Kabgayi, arashimira Imana ikomeje kumwungura amaboko, imuha abapadiri bazamufasha gukenura imbaga y'Imana y'i Kabgayi.
Kuri uyu wa 20 Kanama 2023, myr Balthazar Ntivuguruzwa, Umwpiskopi wa Kabgayi, yasuye paruwase ya Byimana iri mu myiteguro ya yubile y’imyaka 75 anafungura umuryango w’impuhwe z’Imana ku mugaragaro abakristu bose bawunyuramo atanga n’amasakaramentu ya Batisimu , ukaristiya , ugukomezwa n’ugushyingirwa ku miryango yabanaga idasezeranye.
Mu gihe urubyiruko rwo hirya no hino ku isi ruri kwitegura guhurira i Lisbone muri Portugali kwizihiza umunsi mpuzamahanga w’urubyiruko, Nyirubutungane Papa Fransisiko arasaba uru rubyiruko rwaba uruzajya muri iri huriro ndetse n’uruzitabira andi mahuriro mu bihugu byabo kubanza kujya gusura ababyeyi b’ababyeyi babo aho batuye, maze nabo bakabaha umugisha uzabaherekeza mu ihuriro.
Kuva ku wa 18 kugeza ku wa 22 Nyakanga 2023 muri Paruwasi ya Busoro muri Diyosezi ya Butare, habereye ihuriro ry’urubyiruko ryateguwe na paruwasi kubufatanye n’abayobozi b’urubyiruko, bagamije gufasha urubyiruko kumenya Imana no guhurizwa hamwe nk’uko Umwepiskopi wabo Musenyeri Filipo Rukamba ahora abibasaba ko bagomba kwita cyane ku rubyiruko cyane.
Tariki 19 Kamena 2023, ni bwo Papa Fransisiko yashimye ubutwari bwaranze ababikira b'Abamisiyoneri b'urukundo, barimo abanyarwandakazi 2, biciwe muri Yemen mu 2016. Papa yatangaje ko ubuhamya bwabo ari ikimenyetso ko ukwemera kukiriho ku isi ndetse ashyiraho komisiyo ishinzwe gukusanya ubuhamya ku bahamya b'intangarugero b'ukwemera muri iki gihe.
Kuwa 19 Nyakanga 2023, padiri Pamphili Nada, umupadiri wa Diyosezi ya Mbulu muri Tanzaniya, yishwe n'umuntu bikekwa ko afite uburwayi bwo mu mutwe nawe ahita yicwa n'abamubonye akora ayo mahano.
Ku munsi wa kabiri w’uruzinduko rw’iminsi itatu Karidinali Matteo Zuppi yagiriye muri Leta Zunze Ubumwe z’ Amerika kuva ku wa 17-19 Nyakanga uyu mwaka; Karidinali Zuppi yagiranye ibiganiro na Perezida Joe Biden w’Amerika, anamushyikiriza ibaruwa yandikiwe na Nyiributungane Papa Fransisiko igaragaza akababaro aterwa n’intambara yo muri Ukraine.
Kuri uyu wa 19 Nyakanga 2023, ni bwo ubuyobozi bwa Seminari nto ya Karubanda bwashyize ahagaragara amanota y'abatsinze ikizamini kibemerera kwinjira mu mwaka wa mbere w'iyi Seminari mu mwaka w'amashuri wa 2023/2024, busaba abatsinze kwitegura neza bakazaza gufasha Seminari guhora ku isonga nk'uko yabyiyemeje.
Ishuri ry'urukundo n'ubutumwa "Ecole de charité et de Mission" (ECM), ryashinzwe na Communauté de l'Emmanuel rikomeje kuba igisubizo ku rubyiruko rwihebye n'urwatwawe n'iby'isi rukibagirwa Imana.
