Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri uyu wa Kabiri tariki ya 11 Nyakanga muri diyosezi ya Kabgayi habereye umuhango wo guherekeza bwa nyuma Hitimana Frederic umubyeyi wa Myr Papias Musengamana umushumba wa Diyosezi ya Byumba witabye Imana .
Kurikira Igitambo cya Misa yo gutangiza amahugurwa y'abanyamakuru cyaturiwe I Namugongo muri Uganda kikayoborwa na Myr Emmanuel Badejo wo muri Nijeriya.
Padiri Deogratias Birindabagabo, padiri Regis Kabanda,padiri Joseph Kaye na padiri Daniel Nsabimana , abapadiri ba Diyosezi ya Butare bari mu byishimo bya Yubile y’ imyaka 25 Imana ibatoreye umurimo w’ubusaseredoti. Babigaragaje mu gitambo cya Misa cyatuwe na Myr Filipo Rukamba kuri uyu wa gatandatu tariki ya 8 Kanama mu muhango wo guha ubusaseredoti abapadiri 8 bashya ba diyosezi ya Butare.
Abakristu Gatolika bo muri Tanzaniya bari mu byishimo by’uko Myr Protais Rugambwa Arkiyepiskopi w’umusimbura wa Arkidiyosezi ya Tabora muri iki gihugu wahawe Ubusaseridoti na Papa Yohani Pawulo II, yatorewe kuba Karidinali kuri uyu wa 9 Nyakanga 2023.
Ku wa Gatandatu tariki 08 Nyakanga 2023, muri Paruwasi Nyakinama; Nyiricyubahiro Myr Visenti Harolimana, Umwepiskopi wa Ruhengeri yahaye Isakaramentu ry’Ubusaseridoti Diyakoni Appolinaire NTAWANZEGUKIRA,wo mu muryango w’Abapadiri b’abamariyani akaba avuka muri Paruwasi ya Gahunga.
Kuri uyu wa 9 Nyakanga 2023, Papa Fransisiko yatangaje abakaridinali bashya 21 bazashyirwa muri uru rwego tariki 30 Nzeli 2023. Muri bo hakaba harimo batatu bo muri Afurika.
Kuri uyu wa gatandatu taliki ya 8 Nyakanga 2023, muri Diyosezi ya Butare habereye umuhango w'itangwa ry Ubusaseridoti ku badiyakoni 7 bahawe ubupadiri n'abafaratiri 8 bahawe Ubudiyakoni. Ni umuhango wabereye muri Katedarali ya Butare uyoborwa na Myr Filipo Rukamba, umwepiskopi wa Butare.
Mu muhango wo gusezera bwa nyuma kuri Myr Nikodemu Nayigiziki; Musenyeri Smaragde Mbonyintege, Umwepiskopi wa Kabgayi uri mu kiruhuko cy’izabukuru wavuze mu izina ry’abavandimwe ba Musenyeri Nikodemu Nayigiziki, na Musenyeri Andereya Havugimana Umupadiri wa Arkidiysezi ya Kigali bagarutse ku ngabire yo guceceka uyu mupadiri yari yihariye, ikamufasha gushobora ibyananiranye kandi akabanira bose mu mahoro no kwicisha bugufi.
Kuri uyu wa kane tariki 6 Nyakanga 2023, Musenyeri Nikodemu Nayigiziki uherutse kwitaba Imana yasezeweho bwa nyuma. Ni mu muhango wabereye mu Gitambo cy’Ukaristiya cyatuwe na Karidinali Antoine Kambanda, Arkiyepiskopi wa Kigali muri kiliziya ya Paruwasi Regina Pacis Remera ari kumwe n’Abepiskopi, abasaseridoti, abiyeguriyimana n’imbaga y’abakristu bo muri Arkidiyosezi ya Kigali.
Kuri uyu wa 5 Nyakanga 2023, Abepiskopi Gatolika mu Rwanda bagiranye Inama na Minisitiri w'Ubutegetsi bw'Igihuhu mu rwego rwo kuganira kuri gahunda zitandukanye zireba imibereho myiza y'Abaturage harimo kwivana mu bukene no kwimakaza isuku hose.
Abasore batatu bava inda imwe bo mu gihugu cya Croatia baherewe Isakaramentu ry’Ubusaseridoti umunsi umwe. Ni inkuru abakristu benshi muri iki gihugu bavuga ko itangaje, abandi bakavuga ko byose byabaye ku bushake bw’Imana.
Ibiro bya Vatikani bishinzwe itumanaho“Holy See Press Office”kuri uyu wa kabiri byatangaje ko Nyirubutungane Papa Fransisiko yabaye asubitse by’agateganyo gahunda y’inyigisho mu ruhame“General Audience” atanga buri wa Gatatu w'icyumweru, iyi gahunda ikazasubukurwa muri Kanama uyu mwaka.
Mu bice biheruka by’inkuru ivuga ku mateka ya Kongo Nili, Umurwa wa Bikira Mariya Umubyeyi w’Abakene, twababwiye intangiriro ya Kongo Nili, aho Myr Aloyizi Bigirumwami yakuye igitekerezo cyo kuragiza diyosezi ya Nyundo ‘Bikira Mariya Umubyeyi w’Abakene’ ndetse n’uko byagenze ngo umusozi wa Kongo Nili wubakweho paruwasi. Nk'uko twabibasezeranyije, muri iki gice turi bwibande ku iterambere rya Kongo Nili kuva yubatsweho ingoro ya Bikira Mariya.
Mu rukerera rw'uyu wa 4 Nyakanga 2023, ni bwo hamenyekanye inkuru y'urupfu rwa Myr Nikodemu Nayigiziki. Kinyamateka mu gufasha abasomyi bayo kumenya byinshi ku buzima bwa Myr Nikodemu igiye kukugezaho uko abantu batandukanye bamumenye bamuvuga.
