Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Ingoro ya Bikira Mariya i Kibeho, ku bufatanye n'Akarere ka Nyaruguru, bitabiriye imurikabikorwa riri kubera mu gihugu cy' u Bufaransa mu rwego rwo kumenyekanisha ubukerarugendo bushingiye ku iyobokamana buhakorerwa.
Ubuyobozi bw'Akarere ka Bugesera buvuga ko ubwishingizi mu buhinzi n'ubworozi, bwagize uruhare mu kwiyongera kw'abashora imari mu buhinzi kuko baba bazi ko nta gihombo bazagira.
Kuri uyu wa gatatu tariki ya 13 Ugushyingo 2024, komisiyo y’abepisikopi y’ubutabera n’amahoro yagaragaje umusaruro w’ibyavuye mu bukangurambaga ku itegeko ryerekeranye n’icyaha cy’ingengabitekerezo ya jenoside n’ibindi byaha bifitanye isano nayo. Ni ubukangurambaga bwateguwe niyi Komisiyo kuva muri Werurwe kugera muri Nzeri 2024.
Kuri uyu wa 12 Ugushyingo 2024, Arikiyepiskopi wa Canterbury ari na we Mushumba mukuru w'Itorero Angilikani ku isi, yeguye kuri uyu murimo azira kuba yarahishiriye ibikorwa by'iyicarubozo n'ihohoterwa rishingiye ku gitsina, byakozwe n'uwitwa John Smith mu myaka ya 1970 kugera mu 1980.
Nyuma y'aho Inama y'Abepiskopi mu Bufaransa yakiriye Abepiskopi bahagarariye Afurika barimo na Karidinali Kambanda, ibyaganiriweho bigiye gutangira gushyirwa mu bikorwa n'inzego zombi.
Mu kiganiro yagejeje ku bitangazamakuru bya Kiliziya, Myr Visenti Harolimana, agaruka ku nsanganyamatsiko yaganiriweho mu Ikoraniro riherutse kubera i Quito bagaragaje ko umuti w'Intambara zikomeje kuyogozi isi, ari ukwibuka ko abantu bose ari abavaandimwe.
Nyriricyubahiro Antoni Karidinali Kambanda yatangaje ko Kiliziya yo muri Afurika no mu Burayi bagiye gufatanya gutegura Abanyafurika bazajya kwigisha Ivanjili i Burayi.
Donald TRUMP atunguye benshi yongera gutorerwa kuba Perezida wa Leta Zunze Ubumwe za Amerika ku nshuro ya kabiri nyuma yo guhigika Kamala Harris bari bahanganye.
Kuri iki Cyumweru tariki ya 03 Ugushyingo 2024, Umwepiskopi wa Diyosezi ya Butare Myr Jean Bosco Ntagungira yasoje uruzinduko rwe yagiriraga mu maparuwasi agize Diyosezi yaragijwe hagamijwe kuzimenya, ni urugendo yasoreje muri paruwase ya Save ari nayo marembo y’ivanjiri mu Rwanda kuko ari nayo paruwase ya mbere mu Rwanda. Uru rugendo Myr Ntagungira akaba yararukoze ari kumwe na Myr Filipo Rukamba Umwepiskopi wa Diyosezi ya Butare uri mu kiruhuko cy’izabukuru wagendaga amwereka abakristu bagize paruwase za Diyosezi ya Buatare.
Tariki ya 04 Ugushyingo buri mwaka , kiliziya ihimbaza mutagatifu Karoli Boromewo akaba n’umurinzi wa seminari nkuru ya Nyakibanda . Kuri uyu wa mbere tariki 04/11/2024, Iseminari nkuru ya Nyakibanda yahimbaje umunsi mukuru wo kwizihiza mutagatifu Karoli boromewo yiragije hanatangwa impamyabumenyi ku ba Padiri 48 baharangije umwaka w’amashuri 2022 – 2023.
Karidinali Kambanda arasaba abayobozi b'Inzego za Leta kugaragaza ubufatanye busanzwe burangwa hagati ya Kiliziya Gatolika na Leta no mu kibazo cy'Ifungwa rya kiliziya kimaze iminsi.
Kuri uyu 3 Ugushyingo 2024, Muri Arikidiyosezi ya Kigali Paruwasi Mugote, habereye ihuriro rya 17 ry'Imiryango y'Abalayiki bitangira ubutumwa bwa kiliziya, ku nsanganyamatsiko igira:"Turagamire Kristu, soko y'Amizero, Ubuvandimwe n'Amahoro."
Kuri uyu wa Gatandatu tariki 2 Ugushyingo 2024, Myr Jean Bosco Ntagungira, Umwepiskopi wa Butare, yasuye amaparuwasi ya Byiza na Simbi aba yujuje umubare wa paruwasi 24 amaze gusura muri 26 zigize Diyosezi ya Butare.
Kuwa 1 Ugushyingo 2024, Muri Centre Saint Paul i Kigali huzuye Shapeli yubatswe na Kominote "Dimanche en Famille avec Jesus" yuzura itwaye agera kuri Miliyoni 200.
