Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri uyu wa mbere tariki ya 13 Mutaramba 2025 muri Paruwase katederale ya Nyundo habereye umuhango wo gusabira no gusezera bwa nyuma kuri padiri SEKABARA Jean Marie Vianney Muzeyi witabye Imana tariki ya 11/01/2025 azize uburwayi.
Papa Fransisiko yagize umubikira w’Umutaliyani, Simona Brambilla umuyobozi wa Dikasiteri ishinzwe imiryango y'Abihayimana, akaba ari we mugore wa mbere mu mateka uyoboye Dikasiteri.
Mu ijambo yagejeje ku badiplomate ndetse n’abahagarariye ibihugu byabo i Vaitikani, Papa Fransisiko yavuze ko adashyigikiye imigirire y'abagore bakora ubucuruzi bwo gutwitira abandi, kuko nk'uko abisobanura umwana adakwiye gufatwa nk'igicuruzwa abantu.
Kuri uyu wa Gatatu tariki ya 08 Mutarama 2025, muri Centre Saint Paul Kigali Ltd habereye Inama y'Inteko rusange ya Caritas ya Kigali na Komisiyo y'ubutabera n'amahoro muri Arikidiyosezi ya Kigali (CDJP). Ni inama yahuje abapadiri bakuru ba Paruwasi, abayobozi b'Ibitaro na b’ibigo nderabuzima, Abahagarariye imiryango y'abihayimana n'abalayiki bahagarariye Caritas na komisiyo y’ubutabera n’amahoro mu maparuwasi, abakozi ba Caritas na CDJP n'abandi.
Ku ibanga ry’amahoro ku gasozi kashinzwe na padiri Ubald Rugirangoga muri Diyosezi ya Cyangugu hagiye kubakwa ingoro y’ubwiyunge. Ibi byatangajwe na Myr Edouard Sinayobye umwepisikopi wa Diyosezi ya Cyangugu mu muhango wo kwibuka no gusabira Padiri Rugirangoga ku nshuro ya 4.
Kuri uyu wa 30 Ukuboza 2024, muri Diyosezi ya Kabgayi hatangijwe kumugaragaro komisiyo y’ubudaheza abafite ubumuga muri gahunda yo kubitaho no kubafasha kugera ku iterambere ku buryo burambye. Ni komisiyo nshya ije yiyongera ku zindi komisiyo zisanzwe muri Diyosezi ikaba ifite umwihariko wo guhuza ibikorwa byose byo kwita ku bafite ubumuga byakorwaga kugira ngo barusheho kugira uruhare mu bikorwa bitandukanye bya Kiliziya no kugira uruhare mu iterambere ryabo.
Ababikira bo mu Muryango w’Abiyeguriye Roho Mutagatifu bari mu byishimo byo kuba uwashinze uyu Muryango ‘Mama Elena Guerra’ yarashyizwe mu Rwego rw’Abatagatifu mu Ukwakira 2024.
Kuri uyu wa 28 Ukuboza 2024, Ababikira Biyeguriye Roho Mutagatifu bahimbaje amasezerano ya Burundu y'Ababikira batatu banashimira Imana kubera ishyirwa mu rwego rw'Abatagatifu rya Mutagatifu Elena Guera.
Kuri uyu wa 27 Ukuboza 2024, i Kigali mu rugo rukuru rw'Ababikira b’Ababernardine habereye umuhango wo gusezera bwa nyuma no gusabira Mama Karola Mukamazimpaka, umunyarwandakazi wa mbere winjiye mu muryango w'Ababikira b'Ababernardine, witabye Imana ku wa 23 Ukuboza 2024. Mu buhamya bwatanzwe bwagarutse ku murage asigiye barumuna be wo kwiyegurira Imana no gukunda umubyeyi Bikiramariya.
Komisiyo ishinzwe ikenurabushyo ry’abana itangaza ko Noheli y’abana na Yubile y’abana muri Diyosezi ya Kabgayi na paruwase zose ziyigize yiteguwe neza kandi izahimbazwa mu buryo bw’umwihariko. Bimwe mu bikorwa bidasanzwe byateguwe mu rwego rwo kwizihiza Noheli y’abana na Yubile y’abana mu rwego rwa Diyosezi harimo ihuririro ry’abana ryateguwe kuva tariki ya 01-03/01/2025 ndetse n’urugendo nyobokamana rw’abana I Kibeho ruzaba tariki ya 27/12/2025 mu rwego rwo kwizihiza Yubile y’abana ku rwego rw’igihugu.
Kuri uyu wa Gatandatu, tariki ya 21 Ukuboza 2024, Abakarisimatike bari mu birori byo guhimbaza Yubile y’Imyaka 50 ishize Ivugururwa muri Diyosezi ya Nyundo rigeze muri Diyosezi ya Nyundo.
Kuri uyu wa 20 Ukuboza 2024, muri BK ARENA habereye ikiganiro cyahuje ubuyobozi bwa Chorale de Kigali n'Itanagazamakuru kigamije gutangaza aho imyeteguro y'igitaramo cya Noheri "Christmas Carols Concert" cyateguwe na Chorale de Kigali igeze.
Ubwo yizihizaga yubile y’imyaka 25 y’ubusaseredoti, Padiri Kanamugire Flodouard umwarimu mu Iseminari nto ya Butare Virgo Fidelis yasabye Abaseminari guhaha ubwenge aho guhaha amanota no gukunda gusoma kugira ngo bunguke ubwenge bw’igihe kirekire.
Ku wa Gatandatu tariki ya 14 Ukuboza 2024, iseminari nto ya Karubanda Virgo Fidelis, yahimbaje umunsi mukuru wa Bikira Mariya Utasamanywe icyaha iyi Seminari yaragijwe. Myr Jean Bosco Ntagungira Umwepiskopi wa Diyosezi ya Butare yasabye abaseminari gutegura gahunda y’ibiruhuko no kugira ikibaranga nk’abaseminari muri ibi biruhuko bagiyemo.
