Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
None ku wa 16 Werurwe 2024, Diyosezi ya Gikongoro yasezeye kuri Padiri Peter Balikuddembe witabye Imana tariki ya 14 Weerurwe 2024, akaba afatwa nk’Umusaserdoti witanga aho rukomeye kuko yatangiye ubutumwa mu Rwanda ubwo rwari mu bihe bikomeye bya Nyuma ya Jenoside yakorewe Abatutsi.
Mu birori byo kwizihiza umunsi mpuzamahanga w'umugore byabereye kuri paruwasi ya Shangi kuri uyu wa 15 Werurwe 2024, Myr Edouard Sinayobye Umwepiskopi wa Cyangugu, yavuze ibigwi umugore yamagana abamuhohotera cyangwa bakamusuzuguza, kuko umugore ari umutima w'urugo na Sosiyete.
Kiliziya Gatolika mu Rwanda yiyemeje kubyaza umusaruro ubutaka bwayo bwose kugira ngo yuzuzanye na Gahunda ya Leta isaba ko ubutaka bwose buhingwa ndetse no mu rwego rw’uko Kiliziya yibeshaho.
Nyiricyubahiro Antoni Kardinali Kambanda, Arikiyepiskopi wa Kigali akaba na Perezida w’Inama y’Abepiskopi mu Rwanda, arasaba abashinzwe umutungo wa Kiliziya guhuza ubumenyi n’imbaraga mu kuwubyaza umusaruro by’umwihariko ubutaka bwa Kiliziya bugahingwa kinyamwuga kugira ngo butange umusaruro uhagije.
Kuri uyu wa 14 Werurwe 2024, muri Paruwasi ya Mushaka, Diyosezi ya Cyangugu, hatangirijwe mu rwego rw'Akarere ka Rusizi, ubukangurambaga ku itegeko ryerekeranye n'icyaha cy'ingengabitekerezo ya Jenoside n'ibyaha bifitanye isano na yo, bwateguwe na Komisiyo y'ubutabera n'amahoro ku bufatanye n'inzego zitandukanye za Leta.
Mu nteko rusange ya Caritas Rwanda yebereye i Kigali hagati ya tariki 11 na 12 Werurwe 2024, Caritas ya Diyosezi ya Byumba ni imwe mu zagaragajwe nk’izifite umwihariko mu bikorwa byo kwita ku batifashije.
Kuva tariki ya 5 kugeza 08 Werurwe 2024, i Kigali ku cyicaro cy’Inama y’Abepiskopi Gatolika mu Rwanda hateraniye Inteko rusange y’Abepiskopi ya 169 yayobowe na Antoni Kardinali Kambanda, Arikiyepiskopi wa Kigali ari na we Perezida w’Inama y’Abepiskopi Gatolika mu Rwanda.
Kiliziya Gatolika ku mugabane wa Afurika irasaba ko umutungo kamere wa Afurika wagirira akamaro abanyafurika ndetse amakimbirane n’imidugararo bishingiye kuri uwo mutungo kamere bigahagarara.
Musenyeri Anaclet Mwumvaneza yatangaje ko ibiganiro hagati ya Kiliziya na Leta ku guha agaciro gahunda yo guteganya imbyaro hakoreshejwe uburyo bwa kamere, by’umwihariko mu mavuriro ya Kiliziya, bikomeje kandi hari intambwe nziza imaze guterwa.
Umunyamabanga mukuru wa Caritas Rwanda, Padiri Oscar Kagimbura yatangaje ko intego za Caritas muri 2023 zagezweho ku gipimo kiri hejuru ya 90%.
Mu Ijambo rifungura Inteko rusange ya Caritas Rwanda, irimo kubera i Kigali kuri uyu wa 11 Werurwe 2024, Myr Arnaldo S. Catalan Intumwa ya Papa mu Rwanda yibukije Caritas ko atari kimwe n'indi miryango y'ubutabazi. Avuga ko igomba kumenya no kubakira ku mwimerere wayo.
Mu rugendo Nyobokamana Abakirisitu ba Diyosezi ya Nyundo bakoreye I Kibeho kuri uyu wa 9 Werurwe 2024, Myr Anaclet Mwumvaneza, Umwepiskopi wa Nyundo, yabasabye kwibuka kugira umwanya wo gusenga bakirinda gutwarwa n'imirimo y'urudaca yatuma baburira umwanya Imana.
None ku wa Gatanu, tariki ya 8 Werurwe 2024, Abepipiskopi Gatolika mu Rwanda basoje inama y’Inteko rusange ya 169.
Mu mahugurwa ku gutega amatwi yahuje Abapadiri n'Abihayimana ba Kibuye, Sr Uwamariya Genevieve, Ushinzwe Komisiyo y'ubwigishwa mu Nama y'Abepiskopi yibukije abapadiri gushishikariza Abakristu kwitabira imiryango remezo nk'ishuri ry'ubwiyunge no guhuza ubukristu n'ubuzima.
