Inkuru 2,355 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Arkiyepiskopi wa Kigali akaba na Perezida w’Inama y’Abepiskopi Gatolika mu Rwanda, Antoine Karidinali Kambanda, yagaragaje ko ikibazo cya gatanya gikomeje kuba kimwe mu bibazo bikomeye byugarije umuryango nyarwanda, ashimangira ko ingaruka zabyo ziremereye cyane cyane ku bana.
Myr Eduardo Hiiboro Kussala, Umwepiskopi wa Diyosezi Gatolika ya Tombura-Yambio muri Sudani y’Epfo, yagaragaje akababaro kenshi nyuma y’impanuka y’indege yabaye ku wa Mbere tariki ya 27 Mata 2026, ku murongo wa Yei–Juba, igahitana abantu bose 14 bari bayirimo.
Byagarutsweho na Pasiteri Ruzibiza Viateur, Umunyamabanga Mukuru w’Umuryango wa Bibiliya mu Rwanda, kuri uyu wa Kabiri tariki ya 28 Mata 2026 ubwo yasubizaga umunyamakuru wari umubajije ikibazo kigira kiti ‘’ Mwiyambura mute ipfunwe ry’ibyabanje?’’, mu kiganiro n’abanyamakuru ku gikorwa cyo Kwibuka ku nshuro ya 32 abari mu Nama y’Ubuyobozi n’abari abakozi b’Umuryango wa Bibiliya mu Rwanda (BSR) bazize Jenoside yakorewe Abatutsi mu 1994.
Kuri uyu wa Kabiri, tariki ya 28 Mata 2026, Umuryango wa Bibiliya mu Rwanda (BSR) wagiranye ikiganiro n’abanyamakuru ku gikorwa cyo Kwibuka ku nshuro ya 32 abari mu Nama y’Ubuyobozi n’abari abakozi bawo bazize Jenoside yakorewe Abatutsi mu 1994.
Kuri uyu wa mbere, tariki ya 27 Mata 2026, Papa Leo XIV yasuye ikigo cya Dipolomasi ya Kiliziya Gatolika i Roma, mu rwego rwo kwizihiza isabukuru y’imyaka 325 imaze ishinzwe. Uru ruzinduko rwerekanye umuco wayo wo gutegura abapadiri bagenewe umurimo wa dipolomasi ya Nyirubutungane, hashimangirwa ubutumwa bwayo bwo guharanira amahoro, ukuri n’ubutabera.
kuri uyu wa 27 Mata 2026, Diyosezi Gatolika ya Tombura-Yambio muri Sudani y’Epfo yongeye gusaba ko haboneka ukuri ku ibura rya Padiri Luke Yugue n’umushoferi we Michael Gbeko, baburiwe irengero kakaba hashize imyaka itatu, ibintu bikomeje gutera intimba n’agahinda abakristu n’imiryango yabo.
Kuri iki cyumweru tariki 26 Mata 2026, Diyosezi ya Wamba yizihije icyumweru cya Kane cya Pasika, kizwi nk’icy’Umushumba Mwiza, yakira igikorwa gikomeye cyo kwimikwa kwa Myr Emmanuel Ngona Ngotshi, Umwepiskopi mushya w’iyi Diyosezi.
Umushumba wa Kiliziya Gatolika ku isi, Papa Leo XIV, yasabye abakiristu Gatolika n’Abangilikani gukomeza gukorera hamwe, bagaharanira gutsinda ibibatandukanya, kugira ngo babashe kwamamaza Kristu mu buryo bunoze kandi bufite imbaraga ku isi.
Abagize Umuryango w’abarokotse Jenoside yakorewe abatutsi 1994 mu cyahoze ari Komini Ntongwe (AGSF) barashimira Leta yashyize mu bikorwa icyifuzo cyabo bari bamaranye iminsi cy’uko ku rwibutso rwa Kinazi hakubakwa inzu y’amateka ya Jenoside yakorewe abatutsi mu 1994. Kuri ubu ku Rwibutso rwa Kinazi hakaba hari inzu y’amateka ya Jenoside yakorewe abatutsi yubakishijwe amabuye nayo afite amateka kuko ariyo yifashishijwe n’abatutsi bari bahahungiye birwanaho ariko nyuma bakaza kurushwa imbaraga bakicwa.
Kuri iki cyumweru tariki ya 26 Mata 2026 muri Paruwasi ya Byimana hahimbarijwe umunsi mpuzamahanga wo gusabira abahamagarirwa ubutumwa muri Kiliziya. Igitambo cya misa yo guhimbaza umunsi mukuru w’umushumba mwiza wizihizwa ku cyumweru cya 4 cya Pasika no gusabira abahamagarirwa ubutumwa muri Kiliziya cyatuwe na Myr Balthazar Ntivuguruzwa umwepisikopi wa Diyosezi ya Kabgayi. Cyitabiriwe n’Abihayimana bo mu miryango itandukanye hamwe n’abakristu ba Paruwasi Sancta Maria Byimana.
Kuri uyu wa 26 Mata 2026, Arkidiyosezi ya Kigali yizihije Yubile y’imyaka 50 y’umuhamagaro wo kwiyegurira Imana,igaragaza aho ihagaze mu iterambere ry’umubare w’abasaseridoti n’abiyeguriyimana, mu gihe nanone hatanzwe ubutumwa busaba gukomeza gushimangira no kurera umuhamagaro w’abato.
Arkiyepiskopi mushya wa Canterbury, Sarah Mullally, ari na we mugore wa mbere uyoboye itorero ry’Abangilikani ku isi, yamaze kugera i Roma aho azahurira na Papa Leo XIV mu ruzinduko rw’iminsi ine rwatangiye kuri uyu wa Gatandatu tariki ya 25 Mata 2026.
Papa Leo XIV yashyizeho Umwepiskopi Wungirije wa Arikidiyosezi ya Dodoma muri Tanzaniya, Myr Wilbroad Henry Kibozi, ngo abe Umuyobozi w’Agateganyo (Apostolic Administrator) wa Diyosezi ya Kondoa, nyuma y’urupfu rwa Myr Bernardin Francis Mfumbusa witabye Imana ku wa 14 Mata.
Papa Leo XIV yasezeye kuri Gineya Ekwatoriyali ndetse no ku mugabane wose wa Afurika, asoza uruzinduko rwe rw’iminsi 11 yagiriye mu bihugu bine bya Afurika, aho yasomeye Misa kuri Stade ya Malabo, ari na wo muhango usoza uru ruzinduko rwa gishumba.
