Inkuru 2,360 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri uyu wa Kane tariki ya 05 Gashyantare 2026, Nyirubutungane Papa Leo XIV yakiriye muri Vatikani Minisitiri w’Intebe wa Repubulika ya Albania, Bwana Edi Rama, bagirana ibiganiro byibanze ku bufatanye hagati ya Kiliziya na Leta ndetse n’iterambere ry’akarere ka Balkans.
Inama y’Abepiskopi Gatolika bo mu karere ka Antilles, izwi nka Antilles Episcopal Conference (AEC) , yashyize ahagaragara itangazo ritabariza abaturage ba Cuba bakomeje guhura n’ibibazo bikomeye by’imibereho.
Mu gihe Zambiya yitegura amatora ya Perezida n’ay’Inteko Ishinga Amategeko ateganyijwe ku wa 13 Kanama 2026, Inama y’Abepiskopi Gatolika muri icyo gihugu yasohoye Ibaruwa ya Gishumba kuri uyu wa 03 Gashyantare 2026, isaba abanyapolitiki, abakirisitu ndetse n’Abanyazambiya bose bafite umutimanama mwiza, gushyira imbere amahoro, ubworoherane n’ubwubahane mu gihe cy’amatora.
Ishami ry’Umuryango w’Abibumbye ryita ku bana (UNICEF) ryatangaje ko abana barenga 450,000 muri Sudani y’Epfo bari mu kaga gakomeye ko kwibasirwa n’imirire mibi ikabije, mu gihe imirwano ikomeje gufata indi ntera mu Ntara ya Jonglei. Papa Leo XIV na we yifatanije n’abasaba amahoro, asaba ko abana n’abaturage b’inzirakarengane barindwa ingaruka z’intambara.
Kuri uyu wa mbere tariki ya 02 Gashyantare 2026 Papa Leo XIV yifatanyije n’abihaye Imana batandukanye kwizihiza umunsi w’Abiyeguriye Imana .Yasabye abiyeguriye Imana bose kuba “umusemburo w’amahoro n’ikimenyetso cy’ikizere mu isi yugarijwe n’amakimbirane, ubukene n’ihungabana ry’ukwemera.
Mu gitondo cyo kuri uyu wa Mbere tariki ya 02 Gashyantare 2026, Papa Leo XIV yakiriye Perezida wa Repubulika ya Portugal, Marcelo Rebelo de Sousa, mu Ngoro ya Vatikani, mu biganiro byagarutse ku mubano mwiza uri hagati y’impande zombi ndetse n’ibibazo byugarije isi muri iki gihe.
Kuri iki cyumweru tariki ya 01 Gashyantare 2026 muri Diyosezi zose 9 hasojwe isengesho ry’igisingizo cya Yeriko ry’urubyiruko. Ni isengesho ryari rimaze iminsi 7 ryatangiye tariki ya26/01/2026 rifite insanganyamatsiko igira iti” Nagukunze urukundo.”, ni muri gahunda yo gusoza ukwezi kwa mbere kwahariwe gusabira urubyiruko. Komisiyo ishinzwe ikenurabushyo ry’urubyiruko mu nama y’Abepisikopi Gatolika mu Rwanda yatangaje ko uyu mwaka 2026 urubyiruko rwateguriwe gahunda idasanzwe yo kubasabira no kubatura Imana kurushaho binyuze mur isengesho ry’igisingizo cya Yeriko ryahariwe gusabira urubyiruko. Ni ku nshuro ya mbere iyi gahunda ibayeho nyuma y’uko hashize imyaka 2 urubyiruko ruhurira mu Ruhango kwa Yezu Nyirimpuhwe mu rwego rwo gutura Yezu Nyirimpuhwe imishinga yabo n’ibindi byifuzo mu ntangiriro z’u mwaka.
Papa Leo XIV yasabiye abantu barenga 200 bahitanywe n’impanuka y’ikirombe cy’amabuye y’agaciro ya coltan cyaguye mu burasirazuba bwa Repubulika Iharanira Demokarasi ya Congo (RDC), anibuka n’abazize imyuzure n’imiyaga ikomeye yibasiye Mozambique, Portugal n’Ubutaliyani.
Papa Leo XIV yagaragaje impungenge zikomeye ku makimbirane akomeje kwiyongera hagati ya Leta Zunze Ubumwe za Amerika na Cuba, asaba impande zombi gushyira imbere ibiganiro byimbitse kandi bifatika, hagamijwe inyungu z’abaturage ba Cuba.
Ubwo hahimbazwaga Yubile y’imyaka 25 ishuri FAWE Girls’ School ribayeho, mu munsi mukuru wabaye kuwa 30 Mutarama 2026, Umunyamabanga wa Leta muri Minisiteri y’Uburezi (MINEDUC), Irere Claudette, yasabye abanyeshuri baryigamo gukomeza gukoresha neza amahirwe bafite, bakayabyaza umusaruro mu myigire yabo no mu mibereho yabo ya buri munsi.
Amateka ya FAWE Girls’ School ryo ku Gisozi atangirira mu mwaka wa 1999, ubwo ryatangizwaga ku mugaragaro na Nyakubahwa Perezida wa Repubulika y’u Rwanda, Paul Kagame, ku wa 14 Ukuboza 1999, nyuma y’imyaka itanu igihugu cy’u Rwanda kivuye mu icuraburindi.
Ibi byatangajwe na Madamu Urujeni Martine, Umuyobozi w’Umujyi wa Kigali Wungirije Ushinzwe Ubukungu n’Imibereho y’Abaturage, ubwo yagezaga ijambo ku bitabiriye ibirori byo guhimbaza yubile y’imyaka 25 FAWE Girls’ School imaze ishinzwe.
Kuri uyu wa 30 Mutarama 2026, FAWE Girls School, ishuri ry’abakobwa riherereye muri Arikidiyosezi ya Kigali, muri paruwasi ya Kagugu, yaragijwe Umubyeyi Bikira Mariya w’Impuhwe, ryahimbaje ku mugaragaro yubile y’imyaka 25 rimaze rishinzwe.
Kuri uyu wa Kane Tariki ya 29 Mutarama 2026, Papa Leo XIV yakiriye Perezida w’Inteko Ishinga Amategeko y’Umuryango w’Ubumwe bw’u Burayi (European Parliament), Madamu Roberta Metsola, i Vatikani, mu biganiro byibanze ku gushimangira amahoro binyuze mu biganiro n’ubufatanye, haba mu Burayi no ku rwego mpuzamahanga.
