Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri uyu wa 7 Ukwakira 2023, diyosezi ya nyundo iri mu byishimo byo gutaha Paruwasi ya Nyabirasi ikaba ibaye iya 29.
Abagera ku bitaro bya Kabgayi muri iyi minsi basanganirwa n'isura nshya y'inyubako igezweho izagurirwamo Serivisi zitangwa n'ibi bitaro ikazaba igenewe by'umwihariko ababyeyi.
Kuva tariki 4-29 Ukwakira 2023 , abagera kuri 365 barimo Abepiskopi, Abapadiri, Abiyeguriyimana n’abalayiki bo mu bihugu bitandukanye byo ku isi bateraniye i Roma mu cyiciro kibanziriza icya nyuma cya Sinodi y’Abepiskopi ya 16. Ubwiza n’ubuhanga tubona muri Kiliziya ya none ibikesha inzobere n’abahanga ba Kiliziya bahurira muri Sinodi nk’iyi irimo kuba, bagahuza ibitekerezo ku cyatuma Kiliziya irushaho kuba nziza bihuje n’umurongo Uwayishinze yayihaye.
Umunsi wa mbere wa Sinodi watangijwe n'inkuru yakwiriye hose, yavugaga ko Papa Fransisiko yemeye ko abatinganyi bahabwa umugisha. Iyi nkuru yavuye ku gisubizo Papa yahaye abamubajije kugira icyo avuga ku myumvire imaze gukwira, ivuga ko guha umugisha abatinganyi byaba bitanyuranyije n'Ijambo ry'Imana n'inyigisho za Kiliziya. Mu gisubizo yabahaye, yababwiye ko Kiliziya yirinda umuhango uwo ari wo wose watuma hari ugereranya ubutinganyi n'Isakaramentu ry'Ugushyingirwa hagati y'umugabo n'umugore.
Ku cyumweru tariki ya 1 Ukwakira 2023, muri Paruwasi ya Nyarusange, Diyosezi ya Kabgayi, ababikira 4 bo mu muryango wa mutagatifu Yozefu w’i Jerona bakoze amasezerano ya mbere, naho 3 bakora amasezerano ya burundu.
Umushumba wa Kiliziya Gatolika ku isi Papa Fransisiko yatangaje itariki azahuriraho n’abana baturutse ku migabane yose y’ isi, asaba abantu bakuru kwigira ku bana bato umuco mwiza w’ubunyangamugayo n’uwo kutagira uwo baheza.
Kuri uyu wa 29 Nzeri 2023, Abepiskopi basoje inteko rusange ya 167 y'Inama y'Abepiskopi Gatolika mu Rwanda yaberaga I Kigali kuva tariki 26 Nzeri 2023. Nyuma y'Inama Abepiskopi batangaje ibyavuyemo bizitabwaho mu iyogezabutumwa ry'uyu mwaka.
Ababyeyi bafite abana bavukanye indwara y’ubumuga bw’ibirenge (Clubfoot) bemeza ko n’ubwo kuvukana iyi ndwara ari ibintu umubyeyi adahitamo, hakiri andi mahirwe yo kumuvuza agakira kuko hari inzobere n’abafatanyabikorwa bitangiye kwita ku bana bavukana ubu bumuga.Umwana uvujwe neza, agakira neza.
Ibinyujije mu ndirimbo y'umuhanzi Thomas Bicamumpaka yise "Twubake umuryango mwiza unogeye Imana", Korali Marie Reine yasohoye indirimbo yageneye umuryango, mu rwego rwo gutanga umusanzu mu guhangana n'ibibazo biwugarije.
Kuwa 4 Nzeri 2023, Ihuriro ry’abakuru b’imiryango y’Abiyeguriyimana ku rwego rw’isi UISG(The International Union of Superiors General) ryatoye umuyobozi mushya ari we Sr. Mary T. Barron, OLA usanzwe ari umukuru w’umuryango w’Ababikira bisunze Bikira Mariya Umwamikazi w’Intumwa (Superior General of the Congregation of the Sisters of Our Lady of the Apostles).
Babiri mu banyeshuri baje muri batanu ba mbere mu gihugu mu bizami bya Leta bisoza amashuri abanza bahisemo gukomereza amashuri yisumbuye mu Iseminari Nto ya Karubanda.
Nyuma yo gutangiza umwaka wahariwe ikenurabushyo ry'umuryango muri Diyosezi ya Cyangugu, Kinyamateka yifuje kumenya byinshi kuri uyu mwaka maze igirana ikiganiro na Padiri Thaddee Nsengumuremyi, adutangariza ibizakorwa muri uyu mwaka n'icyo ugamije.
Kuva kuri uyu wa mbere tariki 25 Nzeri 2023, i Kigali hari kubera amahugurwa agenewe abaganga bazahugura abandi mu kuvura indwara y’ubumuga bw’ibirenge(Clubfoot). Aya mahugurwa yitabiriwe n’abagera kuri 20 baturutse mu bihugu byo ku mugabane w’Afurika n’Amerika y’Epfo yateguwe na Hope Walks ishami ry’u Rwanda ku bufatanye na Minisiteri y’Ubuzima mu Rwanda.
Ababyeyi bamwe baravuga ko ikibazo cy'ubukene n'ibikoresho by'ishuri bihenze gishobora gutuma badashobora kohereza abana ku mashuri ku gihe. Ni mu gihe abayobozi b'amashuri bo bavuga ko n'igihe umuntu yaba atarabona ibikenewe byose bitakamubujije gutangirira ishuri igihe.
