Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Nk'uko bitangazwa n’Ibiro ntaramakuru bya Kiliziya (CNA), ku gicamunsi cy’iki cyumweru, tariki ya 22 Ukwakira 2023, Papa Francis yagiranye ikiganiro kuri telefoni na Perezida wa Amerika, Joe Biden.
Mu rugendo Nyobokamana bagiriye i Kibeho, kuri uyu wa Gatandatu tariki ya 21 Ukwakira 2023, abagize umuryango wa Kolping Rwanda basabwe kubakira iterambere ku Isengesho, bakibuka guha Imana umwanya w'Ibanze mu bikorwa byabo bya buri munsi bigamije iterambere.
Kuri uyu wa 18 Ukwakira 2023, Abakristu ba paruwsi yitiriwe Kristu Umwami i Nyanza, batangije Noveni itegura umunsi mukuru wo kwibuka u Rwanda ruturwa Kristu umwami w’ijuru n’isi. Uyu munsi ugiye guhimbazwa ku nshuro ya kabiri, nyuma y'aho Inama y'Abepiskopi isabye ko wajya uhimbazwa mu gihugu hose. Kuri iyi nshuro ukazahimbazwa tariki 27 Ukwakira 2023.
Mu kiganiro yagiranye na Pacis TV, Myr Edouard Sinayobye, uhagarariye Kiliziya mu Rwanda muri Sinodi irimo kubera i Roma, yanyomoje bimwe mu bimaze iminsi bitangazwa kuri iyi Sinodi, asaba abakristu gushyira umutima hamwe no gukomeza guherekeresha Sinodi isengesho.
Kuri uyu wa 16 Ukwakira 2023, Diyosezi ya Kabgayi yatangije igikorwa cyo gusuzuma no kuvuza abana bafite uburwayi bwo kutabona neza, binyuze mu mushinga w'uburezi budaheza watangiye mu mwaka wa 2017.
Kuri uyu wa 15 Ukwakira 2023, Paruwasi ya Gakoma ya Diyosezi ya Butare, yahimbaje isabukuru y’imyaka 60 imaze ishinzwe. Abakristu bakaba bishimira ibyo iyi paruwasi yagezeho ndetse bakaba biteguye no gukomeza kongera ibikorwa mu gihe batangiye ikiciro kigana kuri yubile y'imyaka 75.
Kuri iki cyumweru tariki 15 Ukwakira 2023, abalejiyo baturutse mu madiyosezi yose yo mu Rwanda bakoreye urugendo nyobokamana I Kibeho. Igitambo cya Misa kikaba cyayobowe na Myr Celestin Hakizimana, Umwepiskopi wa gikongoro.
Nyuma y'amezi umunani batangiye imirimo yo kuvugurura Kiliziya yabo,Abakristu ba paruwasi ya Higiro barishimira aho iyi mirimo igeze, bagashimira abayigizemo uruhare bose banabasaba kugira uruhare mu gice cy'Isakara bagezemo kugira ngo imvura itabangiriza n'ibyo bari bamaze kubaka.
Abagize itsinda "Tuve mu bwigunge", Rihuza abafite uburwayi bwo mu mutwe, barashimira Caritas ya Diyosezi ya Kabgayi yabahurije hamwe ikabarinda akato kandi igasigasira ubuzima bwabo ndetse ikanabatoza kwiteza imbere.
Kuri uyu wa 7 Ukwakira 2023, Diyosezi ya Nyundo yungutse Paruwasi nshya ya Nyabirasi, yavutse kuri paruwasi Katedarali ya Nyundo.
Kuri uyu 07 Ukwakira 2023, umwaka uburaho iminsi 16, abakrisristu ba paruwasi ya Kanombe basaga 300, bakoreye urugendo nyobokamana i Kibeho mu rwego rwo gushimira Imana n’umubyeyi Bikira Mariya ibyiza bamaze kugeraho mu mwaka umwe gusa iyi paruwasi imaze ishinzwe.
Myr Balthazar Ntivuguruzwa, umwepiskopi wa Kabgayi, akaba n'umuyobozi wa Komisiyo y'Abepisikopi Gatolika ishinzwe abapadiri na Seminari, yibukije abaseminari uko byari byifashe i Kabgayi, ubwo u Rwanda rwabonaga bwa mbere abapadiri kavukire, ubu imyaka ikaba ishize ari 106.
Kuri uyu wa 7 Ukwakira 2023, Diyosezi ya Nyundo yahimbaje ibirori byo gufungura ku mugaragaro paruwasi ya Nyabirasi ibaye iya 29 iyi Diyosezi yungutse. Kinyamateka yifuje kukugezaho inshamake y'amateka y'iyi paruwasi.
Kuri uyu wa 7 Ukwakira 2023, Abaseminari bakuru bose bo mu Rwanda hamwe n'abarezi babo bakoreye urugendo nyobokamana I Kibeho. Ni urugendo rwanitabiriwe na Myr Celestin Hakizimana, Umwepiskopi wa Gikongoro na Myr Balthazar Ntivuguruzwa, Umwepiskopi wa Kabgayi akaba ari na we ushinzwe Seminari Nkuru mu Nama y'Abepiskopi Gatolika mu Rwanda.
