Inkuru 2,355 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Papa Leo XIV yasoje urugendo rwe rw’igihe cy’iminsi itandatu yagiriye muri Espagne, ashimira abaturage b’iki gihugu uburyo bamwakiriye neza, anasaba isi yose kuzamura amaso yayo ikareba kuri Kristu nk’isoko y’impuhwe n’icyizere cy’agakiza.
Mu ruzinduko rw’ubutumwa muri Espagne, Papa Leo XIV yongeye kwamagana yivuye inyuma abakora ubucuruzi bw'abimukira n'abungukira ku mibabaro y'abantu, abasaba kwihana mbere y'uko bahagarara imbere y'ubutabera bw'Imana.
Mu ruzinduko arimo kugirira mu birwa bya Canary Islands muri Espagne, kuri uyu wa 12 Kamena 2026, Papa Leo XIV yahuye n'abimukira bacumbikiwe mu Kigo cya Las Raíces giherereye ku kirwa cya Tenerife, abibutsa ko abakunda kandi ko azakomeza kubasabira.
Mu birori byo kwizihiza umunsi mukuru wa Mutagatifu Stanislas wa Yezu na Mariya, umurinzi wa Ecole Primaire Saint Stanislas Ruyenzi, byabaye ku wa 11 Kamena 2026, kimwe mu byashimishije abari bitabiriye uwo munsi ni imbyino n’ibitaramo by’Itorero Ingeri mu Nganzo, itorero ry’iri shuri rimaze kumenyekana kubera ubuhanga n’umusaruro ritanga mu kwimakaza umuco nyarwanda mu bana.
Polisi ya Kenya yatangaje ko yamaze guta muri yombi umuntu ukekwaho kugira uruhare mu iyicwa rya Padiri Allois Cheruiyot Bett, wari umupadiri wa Diyosezi ya Eldoret, wishwe arashwe muri Gicurasi 2025 ubwo yari avuye gusoma Misa, mu gace ka Kerio Valley kari kamenyerewemo umutekano muke.
Papa Leo XIV yageze ku kirwa cya Tenerife kuri uyu wa Gatanu tariki ya 12 Kamena 2026, mu rugendo rwe rwa nyuma mu birwa bya Canary Islands ndetse no mu rugendo rw’ubutumwa arimo kugirira muri Espagne.
Mu gitambo cya Misa yaturiye kuri Stade ya Gran Canaria ku mugoroba wo ku wa Kane tariki ya 11 Kamena 2026, Papa Leo XIV yahamagariye abakristu n'abantu bose muri rusange kwirinda kwikunda no kwishyira hejuru, ahubwo bakumva ijwi ry’urukundo Imana ishyira mu mitima yabo. Yanibutse kandi abimukira benshi bahasize ubuzima bagerageza kugera ku kirwa cya Gran Canaria baciye mu nyanja.
Ku wa 11 Kamena 2026, Ishuri Ribanza rya Saint Stanislas Ruyenzi, ishuri rya Diyosezi ya Kabgayi riherereye muri Paruwasi ya Ruyenzi mu Karere ka Kamonyi, ryizihije umunsi mukuru wa Mutagatifu Stanislas wa Yezu na Mariya, umurinzi waryo. Ni umunsi wabaye umwanya mwiza wo kurebera hamwe urugendo rw’iri shuri rimaze imyaka irenga itanu ritanga uburezi bushingiye ku ndangagaciro za Gikristu n’ubumenyi bufasha umwana gukura yuzuye.
Kuri uyu wa 11 Kamena 2026, Ishuri Ribanza rya Saint Stanislas Ruyenzi, ishuri rya Diyosezi ya Kabgayi riherereye muri Paruwasi ya Ruyenzi mu Karere ka Kamonyi, ryizihije umunsi mukuru wa Mutagatifu Stanislas, umurinzi waryo, mu birori byabimburiwe n’Igitambo cya Misa cyaturiwe muri Kiliziya ya Paruwasi ya Ruyenzi.
Mu gitambo cya Misa cyabereye muri Bazilika ya Sagrada Família i Barcelona ku mugoroba wo kuri uyu wa 11 Kamena 2026, Papa Leo XIV yashimangiye ko ukwemera nyakuri kwa gikristu kudashobora kubangikanywa n'intambara, urugomo cyangwa kwirengagiza abari mu mibabaro. Ni umuhango wabereye muri iyi nyubako y'amateka imaze imyaka isaga 100 yubakwa ikaba yanahawe umugisha ku mugaragararo na Papa, wanahuriranye n'isabukuru y'imyaka 100 ishize umwubatsi w'ikirangirire Antoni Gaudí wagize uruhare rukomeye mu kuyishushanya no kuyubaka, yitabye Imana.
Papa Leo XIV yongeye gushimangira agaciro gakomeye k’abageze mu zabukuru ndetse n’uruhare rwabo nk’abarimu b’ubuzima, avuga ko igihe cy’izabukuru atari igihe cyo kwiheba ahubwo ari igihe cy’umugisha n’inema y’Imana.
Inama y’Abepiskopi Gatolika ba Mozambike (CEM) yatangaje gahunda y’ishyingurwa rya Myr Osório Citora Afonso, Umushumba wa Diyosezi ya Quelimane, witabye Imana nyuma yo kurasirwa mu rugo rwe mu ijoro ryo ku wa 6 Kamena 2026.
Mu gihe Inteko Ishinga Amategeko ya Repubulika Iharanira Demokarasi ya Congo (RDC), umutwe w’Abadepite, yatoye umushinga w’itegeko ryemerera igihugu gutegura amatora ya referandumu, Musenyeri Melchisedec Sikuli Paluku wa Diyosezi Gatolika ya Butembo-Beni yongeye kwibutsa abayobozi ko icyihutirwa ku baturage atari uguhindura amategeko, ahubwo ari uguhagarika umutekano muke n’ubwicanyi bukomeje kwibasira cyane uburasirazuba bw’igihugu.
Mu isengesho ryahuje urubyiruko kuri Sitade ya Lluís Companys Olympic i Barcelona ku mu goroba wo ku wa Kabiri tariki ya 09 Kamena 2026, Papa Leo XIV yahumurije urubyiruko rwugarijwe n’ibibazo bitandukanye birimo ihungabana, imibabaro y’ubuzima, urugomo ndetse n’ingorane zo kubabarira, arusaba gukomeza kwizera Imana no gushaka icyatanga ubuzima bw’igisobanuro nyakuri.
