Inkuru 2,355 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Papa Yohani Pawulo I ni we Papa wa mbere wavutse mu kinyejana cya 20, akaba ari na we Papa uheruka kuyobora Kiliziya Gatolika uvuka mu gihugu cy’u Butaliyani.Wamaze iminsi 33 ku ntebe ya Papa.
Mu gitambo cya Misa cyaturiwe ku mbuga ya Bazilika Nkuru ya Mutagatifu Petero i Roma, ku cyumweru tariki 4 Nzeri 2022, Nyirubutungane Papa Fransisiko yashyize Papa Yohani Pawulo I mu rwego rw’abahire ba Kiliziya Gatolika.
Kuva kuri uyu wa gatanu tariki 2 Nzeri kugera kuwa mbere tariki 5 Nzeri 2022, i Rwamagana mu Ishuri ryitiriwe Bikira Mariya Umwamikazi, harimo kubera amahugurwa agenewe abanyeshuri mu ishami ry'uburezi muri Kaminuza y'u Rwanda college ya Rukara. Aya mahugurwa akaba agamije gutegura no gukundisha abakiri bato umurimo w'ubukateshisite.
Mu kiganiro n’abanyamakuru cyabereye ku cyicaro cy’Ikigo Centre Cyprien &Daphrose Rugamba(CECYDAR) giherereye ku Kicukiro, abayobozi ba CECYDAR bagaragaje ibikorwa iki kigo cyagezeho mu myaka 30 n’aho gahunda yo gushyira mu rwego rw’abatagatifu Sipiriyani Rugamba n’abana babo bishwe muri Jenoside yakorewe Abatutsi mu Rwanda igeze.
Umutwe w'ingabo zihariye zirinda Papa uzwi nka "Garde Suisse", watangije ibikorwa mu gihugu cy'u Busuwisi birimo urwego rw'itumanaho n'urwego rw'ubuyobozi, bizorohereza uyu mutwe kubona abasirikare bashya.
Ababyeyi bo mu turere twa Huye, Gisagara, Nyaruguru na Nyanza bafite abana bavukanye indwara ya Clubfoot bavuga ko nyuma y’aho batangiye kuvuza abana babo bavukanye ubumuga bwa Clubfoot babifashjwe na Hope Walks ibirenge by’abana babo byatangiye kumera neza.
Indwara yo kubona hafi cyangwa Miyopi (Myopie) ni imwe mu ndwara zibuza benshi amahwemo; gusa iyo ivuwe neza kandi hakiri kare irakira.
Tariki ya 1 Nzeri 1933-Tariki ya 1 Nzeri 2022, Imyaka ibaye 89 Kinyamateka ibayeho. Kuri uyu munsi w'isabukuru yayo, Kinyamateka yishimiye kugeza ku basomyi bayo urutonde rw'abayobozi 21 yagize barimo na bamwe mu bamenyekanye mu mateka ya Kiliziya n'ay'igihugu nka Musenyeri Alexis Kagame na Padiri Arthur Dejemeppe babaye abanditsi bakomeye.
Kuri uyu wa 31 Kanama 2022, Padiri Safari Laurent wo muri Diyosezi ya Nyundo, yatangiye ubutumwa yatorewe n'Abepiskopi bwo kuba umunyamabanga mukuru wungirije ushinzwe umutungo n'abakozi ku biro by'Inama y'Abepiskopi Gatolika biri i Kigali.
Muri Videwo ya Papa Isobanura icyifuzo cy'ukwezi kwa Nzeri, Papa Fransisiko yagaragaje impamvu igihano cy'urupfu kidakwiye, aho avuga ko kibuza umuntu amahirwe yo kwisubiraho ndetse kikanimakaza umutima mubi wo guhora.
Itangazo ryashyizwe ahagaragara na Vatikani rivuga ko inama y'iminsi ibiri yahuzaga Papa n'abakaridinali yasojwe kuri uyu mugoroba tariki 30 Kanama 2022, hakaba hateganyijwe Misa isomwa na Papa mbere y'uko abakaridinali basubira mu madiyosezi yabo.
Karidinali Richard Kuuia Baawobr wo muri Gana n'ubwo atitabiriye umuhango yagombaga guherwamo ubu butumwa, kubera indwara y'umutima, ni umwe mu banyafurika babiri bahawe ubukaridinali tariki 27 Kanama 2022 i Roma akaba ntawundi muhango azakorerwa.
Abayobozi b'amadini atandukanye mu gihugu cya Kenya, barasaba abatuye iki gihugu kuzakira neza umwanzuro w'urukiko rw'ikirenge ku watsinze amatora y'umukuru w'igihugu yo kuwa 9 Kanama 2022, umwanzuro uteganyijwe kuzatangazwa tariki 5 Nzeri 2022.
Ku wa gatanu, tariki 26 Kanama 2022, Nyiricyubahiro Myr Edouard SINAYOBYE Umwepiskopi wa Diyosezi ya Cyangugu yakiriye amasezerano ya burundu y’ababikira bane bo mu muryango w’ababikira ba Mutagatifu Fransisiko w’Asize.
