Inkuru 2,355 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Paruwasi ya Nyarurema muri Diyosezi ya Byumba, irishimira uruhare ikomeje kugira mu kubyarira Kiliziya abasaseridoti. Ni nyuma y'uko uyu mwaka ibyariye Diyosezi ya Byumba abapadiri babiri muri barindwi iyi diyosezi yungutse.
Kuva kuri uyu wa mbere tariki 29 Kanama kugera tariki 30 Kanama 2022, Papa Fransisiko ayoboye Inama y'iminsi ibiri ihuje abakaridinali 200 mu rwego rwo kurebera hamwe amabwiriza mashya agenga Ubuyobozi bwa Kiliziya yatangajwe na Papa mu nyandiko "Praedicate Evangelium".
Ku wa gatandatu tariki 27 Kanama 2022, Nyirubutungane Papa Fransisiko yimitse ku mugaragaro abakaridinali bashya ba Kiliziya 20 abasaba kuzita ku bakomeye n’abaciye bugufi muri Kiliziya, bamurikiwe na Roho Mutagatifu.
Kuri uyu wa 26 Kanama 2022, mu kiganiro n'abanyamakuru, ibiro bishinzwe Sinodi I Roma byashoje ku mugaragaro ikiciro cya mbere cya Sinodi y'Abepiskopi binatangaza uko icyiciro cya Kabiri kizagenda.
Ikinyamakuru "Fraternite Matin" cyo muri Cote d'Ivoire kuwa 25 Kanama 2022, cyasohoye inkuru irambuye ku Rwanda, igaragaramo ubuhamya bwa Komisiyo y'Abepiskopi y'ubutabera n'amahoro (CEJP) ku rugendo rw'ubwiyunge nyuma ya Jenoside yakorewe Abatutsi muri Mata 1994.
Kuri uyu wa Kane tariki 25 Kanama 2022, Kinyamateka yashyize ahagaragara Numero yayo ya 1932 mu myaka 90 imaze ikora.
Ku wa mbere taliki ya 22 Kanama 2022, Muri Paruwasi ya Janja, Myr Visenti HAROLIMANA, Umwepiskopi wa Ruhengeri, yakiriye amasezerano ya mbere y’ abafureri bane n’ababikira icyenda bo mu muryango w’’Abagabuzi b’Amahoro ya Kristu-Umwami.
Mu itangazo ryashyizwe ahagaragara n’umukuru w’Umuryango w’Ababikira ba Yezu Umukiza, ukorera ubutumwa mu gihugu cya Nigeria ku mugoroba w’ejo ku wa kabiri tariki 23 Kanama 2022, Soeur Zita Ihedoro yatangaje ko uyu muryango utewe ibyishimo n’irekurwa ry’ababikira babo bane bari bamaze iminsi 2 bashimuswe.
Kuri uyu wa kabiri tariki 23 Kanama 2022, Vatikani yatangaje ikirangantego cy'uruzinduko rwa Papa mu gihugu cya Kazakisitani ruteganyijwe tariki 13-15 Nzeri 2022.
Abayobozi ba Kiliziya mu nzego zitandukanye bakomeje kugaragaza impungenge batewe n’ifungwa rya Myr Rolando Jose Alvarez, umwepiskopi wa Matagalpa muri Nikaragwa n’ihohoterwa rikomeje gukorerwa abayoboke ba Kiliziya Gatolika muri iki gihugu.
Ku wa mbere tariki 22 Kanama 2022 Umuryango w’Ababikira b’Abigishwa ba Yezu mu Ukaristiya watangije urugo rushya muri Paruwasi Nkanga, yo muri Arkidiyosezi ya Kigali.
Arkidiyosezi ya Gulu muri Uganda iratangaza ko ikomeje imyiteguro y’ishyirwa mu rwego rw'abahire rya Padiri Giuseppe Ambrosoli wahakoreye ubutumwa nk'umumisiyoneri, akazashyirwa muri uru rwego mu Gushyingo 2022.
Umuryango w’ababikira bo mu muryango wa Yezu Umukiza, bakorera ubutumwa mu ntara ya Imo mu gihugu cya Nigeria watangaje ko ubabajwe n’ishimutwa ry’ababikira bawo bane bashimuswe n’abagizi ba nabi bitwaje intwaro ku cyumweru tariki 21 Kanama 2022, mu muhanda w’ahitwa Okigwe -Umulolo ubwo bari mu nzira bagiye mu Misa.
Kuri iki cyumweru tariki 21 Kanama 2022, umuryango w'Abasaveri wahimbaje isabukuru y’imyaka 70 Umaze ukorera mu Rwanda n’imyaka 10 Padiri Georges Defour washinze uyu muryango yitabye Imana, unataha ibyumba by'amashuri 12 wubatse mu ishuri ryitiriwe Padiri Georges Defour riri i Nyamirambo, mu Mujyi wa Kigali.
