Aheruka
Inkuru 2,424 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuwa 24 Kamena 2022, abagize umuryango w'Abanyamutima bahuriye muri Bazilika Nto ya Kabgayi mu gikorwa cyo guhimbaza ku rwego rw'igihugu, Umunsi mukuru w'Umutima Mutagatifu wa Yezu.
Kuri uyu wa 23 Kamena 2022, Padiri Lambert Dusingizimana, Umunyamabanga wa SNEC ari kumwe n'abapadiri bashinzwe ibiro bya diyosezi bishinzwe amashuri gatolika, bahuriye mu nama irimo kubera muri diyosezi ya Cyangugu mu rwego rwo gutangiza imyiteguro y'umwaka wa 2022-2023, Inama y'Abepiskopi yemeje ko uzaharirwa kwita ku burezi bw'abana mu mashuri.
Mu gihe i Roma hateraniye Ihuriro rya 10 ry'ingo z'Abashakanye, kuva tariki 22-26 Kamena 2022, Vatikani iributsa ko iri huriro ritareba abari i Roma gusa, kuko riteganyijwe no kubera mu maparuwasi n'amadiyosezi ku isi.
Tariki 21 Kamena 2022, Komisiyo ishinzwe imirimo ya Sinodi ku rwego rwa Diyosezi ya Gikongoro yashyikirije Myr Celestin HAKIZIMANA, imyanzuro y'ibyavuye mu biganiro by'abakristu mu nzego zitandukanye zigize ubutumwa muri iyi Diyosezi.
Kuri uyu wa 22 Kamena 2022, Papa Fransisiko yatangije ihuriro mpuzamahanga rya cumi ry'Ingo z'abashakanye, rizamara iminsi ine ribera i Vatikani. Mu butumwa yagejeje ku bagera ku 2000 bitabiriye iri huriro Papa Fransisiko yababwiye ko Kiliziya yifuza kubaba hafi no kubitaho mu ngorane zabo nk'umunyasamariya w'impuhwe.
Kuri uyu wa 22 Kamena 2022, Perezida wa Repubulika y'u Rwanda, Paul Kagame yakiriye Arkiyepiskopi Arnaldo Catalan, Intumwa ya Papa mu Rwanda wamugejejeho ibyangombwa bimwemerera guhagararira Papa mu Rwanda.
Tariki 22-25 Kamena 2022 i Vatikani hazateranira ihuriro mpuzamahanga ry'ingo, riteranye ku nshuro ya 10. Iri huriro rikaba ryitezweho guha imbaraga ingo z'intangarugero zifasha Kiliziya mu butumwa bwo kurengera ingo.
Ikipe y'umupira w'amaguru ya GS Bugumira muri Paruwasi ya Nkombo Diyosezi ya Cyangugu, ku cyumweru tariki 19 Kamena 2022, yegukanye igikombe ku rwego rw'igihugu mu marushanwa ahuza ibigo by'amashuri, Icyiciro cy'amashuri abanza, nyuma yo gutsinda ikipe ya GS Kiziguro yari ihagarariye akarere ka Gatsibo ibitego 3 ku busa.
Kuri iki cyumweru, tariki ya 19 Kamena 2022, Myr Visenti HAROLIMANA, yifatanyije n'imbaga y'abakristu ba Paruwasi Katedrali ya Ruhengeri, ku ngoro ya Bikira Mariya Umwamikazi wa Fatima, mu birori by'umunsi mukuru w'Isakaramentu Ritagatifu. Ibi birori byabimburiwe n'igitambo cy'Ukarisitiya aho umwepiskopi yanahaye ubutumwa abagabuzi 12 b'ingoboka, hakurikiraho umutambagiro w'Isakaramentu wakorewe mu mugi wa Musanze iyi paruwasi iherereyemo.
Kuri iki cyumweru tariki 19 Kamena 2022, abakristu mu bice bitandukanye by'isi bahimbaje mu byishimo umunsi mukuru w'Isakaramentu Ritagatifu, Umubiri n'Amaraso bya Nyagasani. Nk'uko bimenyerewe kuri uyu munsi mukuru, mu bice bitandukanye abakristu bongeye gukora umutambagiro w'Isakaramentu Ritagatifu nyuma y'imyaka igera kuri ibiri bidakorwa kubera icyorezo cya Covid 19.
Kuri iki cyumweru tariki 19 Kamena 2022, mu Iseminari Nto ya Karubanda muri Diyosezi ya Butare hasojwe irushanwa mu mukino wa Volleyball ryitiriwe Kwibuka Rutsindura, Memorial Rutsindura. Iri rushanwa rikinwe ku nshuro ya 18, rikaba ryaritabiriwe n'amakipe 37 yari agabanyijemo ibyiciro bitandukanye birimo;Icyiciro cy'Abagore, icyiciro cy'abagabo, ikiciro cy'abanyeshuri n'ikiciro cy'abavetera.
Kuri uyu wa 18 Kamena 2022, Ishuri ryisumbuye ryitiriwe Mutagatifu Berenadeta rya Kamonyi, ESB KAMONYI, muri Diyosezi ya Kabgayi ryahimbaje isabukuru y'imyaka 40 rimaze ribayeho. Muri ibi birori byabereye ku cyicaro cy'iri shuri hanizihijwe umunsi mukuru wa Mutagatifu Berenadeta iri shuri ryisunze, hizihizwa Icyumweru cy'uburezi Gatolika ku rwego rw'ishuri ndetse n'abanyeshuri 62 bahabwa amasakaramentu y'ibanze.
Mu isengesho ry'Indamutso ya Malayika ryo kuri iki cyumweru tariki 12 Kamena 2022, Papa Fransisiko yasabye abakristu gukomeza kumusabira kugira ngo yoroherwe vuba, azabashe gusubukura bidatinze, uruzinduko yagombaga kugirira mu bihugu by'Afurika mu kwezi kwa Nyakanga uyu mwaka.
Chorale de Kigali yahimbarije umunsi mukuru w'Ubutatu Butagatifu muri Paruwasi ya Kamonyi, Diyosezi ya Kabgayi aho yifatanyije n'abakristu mu Gitambo cya Misa ndetse inifatanya n'Abanyeshuri b'Ishuri ryisumbuye ryitiriwe Mutagatifu Berenadeta rya Kamonyi (ESB KAMONYI), mu gitaramo cy'Indirimbo cyabereye muri iri shuri.
