Inkuru 2,360 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri uyu wa Kabiri tariki 8 Werurwe 2023 Nyirubutungane Papa Fransisiko, Umushumba wa Kiliziya Gatolika ku isi yavuguruye inama ngishwanama igizwe n’abakaridinali icyenda bamufasha mu buyobozi bukuru bwa Kiliziya Gatolika ku isi, yongeramo abakaridinali bashya batanu.
Kuri iki cyumweru tariki 5 Werurwe 2023, Addis Ababa muri Etiyopiya hasojwe ihuriro rya Sinodi ku rwego rw'umugabane w'Afurika ryaberaga muri iki gihugu kuva kuwa 1 Werurwe 2023.
Kuva kuri uyu wa 6 kugera kuwa 11 Werurwe 2023, Abepiskopi Gatolika bo mu Rwanda bakoreye urugendo rw'akazi ruzwi nka VISITA AD LIMINA i Roma ku cyicaro gikuru cya Kiliziya Gatolika, mu rwego rwo guhura na Nyirubutungane Papa Fransisiko umushumba wa Kiliziya Gatolika ku isi n’abandi bayobozi bamufasha kuyobora inzego nkuru za Kiliziya i Roma.
Kuri uyu wa 4 n'uwa 5 Werurwe 2023, muri Groupe Scolaire Officiel de Butare, habereye imikino yo kwibuka padiri Kayumba wabaye umuyobozi w'iri shuri akaba yararanzwe no gukunda urubyiruko no guteza imbere imikino.
Mu gihe Ihuriro rya Sinodi ku rwego rw'Afurika ririmo kubera mu gihugu cya Etiyopiya ririmo kugana ku mesozo, imyanzuro umunani ni yo yavuye mu biganiro byakozwe mu matsinda umunani ikazashyikirizwa Kiliziya ku rwego rw'isi.
Kuri uyu wa 3 Werurwe 2023, Furere Rutaganda Justin umufurere mu muryango w'Abayozefiti, witabye Imana tariki 26 Gashyantare 2023, yasezeweho bwa nyuma mu Byimana muri Diyosezi ya Kabgayi. Mu muhango wayobowe na Musenyeri Anaclet Mwumvaneza, Umwepiskopi wa Nyundo.
Kuri uyu wa 2 Werurwe 2023, I Kibeho habereye umuhango wo kwibuka ku nshuro ya 41 ibonekerwa rya Mariya Clara Mukangango umwe muri batatu bemejwe na Kiliziya ko babonekewe na Bikira Mariya I kibeho.
Kuri uyu wa 2 Werurwe 2023, Dr Monique Nsanzabaganwa, Umuyobozi wungirije wa Komisiyo y'Afurika Yunze Ubumwe, yahagarariye uyu muryango mu gikorwa cyo gutangiza ihuriro rya Sinodi ku rwego rw'umugabane w'Afurika, kirimo kubera Addis Ababa muri Etiyopiya guhera kuri uyu wa 1 Werurwe 2023.
Abitabiriye inama isuzuma aho gahunda y’itegenyabikorwa ry’imyaka itanu rya Kiliziya Gatolika mu Rwanda rijyanye na gahunda yo guteganya imbyaro hakoreshejwe uburyo bwa Kamere bagaragaje ko mu myaka itatu ishize umubare w’abitabira iyi gahunda ugenda wiyongera, hakaba hagikenewe ubukangurambaga bwo kwigisha abashakanye ko ubu buryo bwemewe na MINISANTE ndetse na OMS
Kuri uyu wa 1 Werurwe 2023, nibwo abagera kuri 6 barimo uwihayimana, umudiyakoni n'abakristu 4 bahagurutse i Kigali berekeza Addis Ababa muri Etiyopiya aho bagiye guhagararira u Rwanda mu Ihuriro rya Sinodi ku mugabane w'Afurika riteraniye muri iki gihugu kugera tariki 6 Werurwe 2023.
Muri gahunda yo kwizihiza umunsi mpuzamahanga w’abarwayi ku nshuro ya 31 muri Kiliziya, Caritas ya Paruwasi Gatolika ya Kacyiru-Kagugu yafashije bamwe mu bwayi bari mu bitaro bya Kibagabaga babuze ubwishyu kwishyura umwenda babereyemo ibyo bitaro, inagenera imfashanyo abari muri ibi bitaro ifite agaciro gasaga miliyoni n’ibihumbi Magana atatu.
Mu butumwa yagejeje ku bapadiri baherekeje abana bibumbiye mu matsinda y'Iyogezabutumwa ry’abana “Enfance Missionnaire” bo muri Diyosezi ya Byumba bakoreye urugendo nyobokamana i Kibeho ku wa 26 Gashyantare 2023, Musenyeri Papias Musengamana Umwepiskopi wa Byumba yasabye abapadiri gushyira imbaraga muri iri yogezabutumwa, akangurira abana kwirinda kugwa mu bishuko bya sekibi.
Abapadiri ba Diyosezi ya Kibungo bari kumwe na Karidinali Kambanda, Arikiyepiskopi wa Kigali akaba n'Umuyobozi wa Diyosezi ya Kibungo, kuri uyu wa 21 Gashyantare 2023, basuye Myr Jean Marie Vianney Twagirayezu, i Kigali ku biro by'Inama y'Abepiskopi, bamugezaho ibyishimo abakristu ba Diyosezi ya Kibungo batewe n'itorwa rye.
Abakorera muri Caritas Rwanda barashimira Imana kuba yongeye kubatoramo umwepiskopi ku nshuro ya Kabiri. Ni nyuma y'aho umuyobozi wabo, Padiri Jean Marie Vianney Twagirayezu atorewe kuba umwepiskopi wa Kibungo kuri uyu wa 20 Gashyantare 2023. Bavuga ko bashingiye kuri byinshi yabagejejeho mu gihe bamaranye bizeye ko ubutumwa bushya atorewe azabukora neza.
