Inkuru 2,353 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Myr Bob John Hassan Koroma wa Diyosezi Gatolika ya Makeni muri Sierra Leone, yageneye ubutumwa bw’ amahoro, ubumwe n’ubufatanye Abayisilamu bo muri icyo gihugu mu gihe bizihizaga Eid al-Fitr, umunsi usoza ukwezi gutagatifu kwa Ramadan.
Ishuri rya GS Saint Dominique Savio de Karambi, riri muri Paruwasi ya Mugomba mu murenge wa Karambi mu Karere ka Nyamasheke intara y’Uburengerazuba, ryatangiye ku mugaragaro urugendo rw’imyaka itanu ruganisha ku kwizihiza Yubile y’imyaka 100 izaba mu 2031. Ni urugendo rwatangijwe ku wa 6 Werurwe 2026, ku munsi iri shuri ryizihizaho Mutagatifu Dominiko Savio, umurinzi waryo.
Mu ruzinduko ubuyobozi bwa Jeunesse Estudiantine Catholique (JEC) ku rwego rw’isi bwagiriye mu Rwanda kuva kuwa 14 kugeza kuwa 18 Werurwe 2026, hagamijwe kurebera hamwe uko uyu muryango uhagaze no kuwongerera imbaraga, bwanasubije imwe mu mbogamizi zikomeye mu zagaragajwe.
Padiri Roger Paul Marie Depienne , umupadiri w’umumisiyoneri (FIDEI DENUM) wagize uruhare rukomeye mu mateka ya Kiliziya Gatolika mu Rwanda azahora yibukwa na benshi mu bamumenye cyane cyane abapadiri yatoje bakiri abaseminari . Bamwigiraho kutananirwa mu butumwa , kuzirikana ko nta Konji y’ubutumwa, nta konji yo kuba intumwa ya Kristu. Ibi ni bimwe mu byaranze Padiri Roger Depienne wageze mu Rwanda mu 1960. Yasubiye iwabo mu Bubiligi amaze imyaka 61 mu Rwanda by’umwihariko akaba yaramaze imyaka 16 muri paruwasi ya Rulindo. Yakoze ubutumwa muri Arkidiyosezi ya Kigali ifitanye umubano wihariye na Diyosezi ya Namur mu Bubiligi ari nayo Padiri Roger Depienne yabarizwagamo.
Bamwe mu bakristu bo muri Paruwasi ya Rulindo bamenye Padiri Roger Paul Marie Depienne bababajwe n’inkuru y’uko yitabye Imana. Ubuhamya batanga bugaruka ku gushima ibigwi bya Padiri Depienne mu rugendo rwo kogeza inkuru nziza atiganda cyangwa ngo ananirwe kubera imisozi yo muri aka gace.
Padiri Roger Paul Marie Depienne wakoreye ubutumwa mu Rwanda imyaka igera kuri 61 yitabye Imana afite imyaka 99. Inkuru y’urupfu rwe yamenyekanye ku wa 14 Werurwe 2026. Padiri Roger Depienne ni umwe mu bapadiri b’abamisiyoneri bagize uruhare rukomeye mu mateka ya Kiliziya Gatolika mu Rwanda (FIDEI DENUM). Yageze mu Rwanda mu 1960, ahava asubira iwabo mu Bubiligi mu mwaka wa 2012. Yavukiye mu Bubiligi, i Tintigny,ku itariki ya 18/06/1927 akurira i Namur ari naho yitabye Imana ari.
Kuri uyu wa 18 Werurwe 2026, Antoine Karidinali Kambanda, Arkiyepiskopi wa Kigali, yayoboye Igitambo cy’Ukaristiya cyo guherekeza no gusabira Padiri Roger Paul Marie Depienne, cyabereye muri Chapelle ya Saint Paul i Kigali. Uyu mupadiri w’umubiligi ukomoka muri Diyosezi ya Namur yitabye Imana ku wa 14 Werurwe 2026, nyuma y’imyaka isaga 60 akorera ubutumwa mu Rwanda, cyane cyane muri Arkidiyosezi ya Kigali.
Mu gihe ubuyobozi bwa JEC (Jeunesse Estudiantine Catholique) ku rwego rw’isi bwasuraga u Rwanda kuva kuwa 14 kugera kuwa 18 Werurwe 2026 buherekejwe n’ubwo kurwego rwa Afurika, muri gahunda igamije kurebera hamwe uko uyu muryango uhagaze no kuwongerera imbaraga, umuhuzabikorwa wa JEC muri Afurika, Marie Lucie Camara, yagarutse ku ishusho rusange y’uyu muryango ku mugabane wa Afurika.
Abanyamuryango ba Jeunesse Estudiantine Catholique (JEC) mu Rwanda bagaragaje ibyishimo n’ishema batewe no kwakira ku nshuro ya mbere ubuyobozi bw’umuryango ku rwego rw’isi, mu ruzinduko rw’iminsi itanu rugamije gusuzuma aho JEC igeze no gushimangira ubufatanye.
INGINGO Z'INGENZI Z'IMPAMVU YO GUHINDUZA AMAZINA
Pape Leo XIV yagiranye ikiganiro kuri telefone na Perezida wa Palestine, Mahmoud Abbas ku bijyanye n’ibihe bikomeje kuba bibi mu ntambara yo mu Burasirazuba bwo hagati n’imibereho igoye abaturage ba Palestine barimo kunyuramo.
Hashize igihe abakristu Gatolika bo mu bice byahoze ari Kibuye n’Umutara bagaragaza icyifuzo cyo kubona hashyirwaho amadiyosezi mashya abegereye, ari yo Diyosezi ya Kibuye n’iy’ Umutara. Kuri bo, iki cyifuzo ntigishingiye gusa ku mihindagurikire y’imiyoborere ya Kiliziya, ahubwo ni intambwe babona nk’izatuma iyogezabutumwa ribegera kurushaho, abakristu bagakomerezwa mu kwemera kandi bakagira uruhare rufatika mu bikorwa by’iterambere n’ubwiyunge.
Abepiskopi Gatolika bo muri Uganda batangiye urugendo rwihariye i Roma mu Butaliyani, aho bazahurira na Papa Leo XIV mu ruzinduko rwiswe “Ad Limina Apostolorum”, rukorwa n’abepisikopi b’amadiyosezi yose ku isi buri myaka itanu.
Ni ubutumwa Papa Leo XIV yatanze kuri iki Cyumweru tariki ya 15 Werurwe 2026, ubwo yasuraga Paruwasi ya Mutima Mutagatifu wa Yezu iri mu gace ka Ponte Mammolo mu mujyi wa Roma, mu ruzinduko rwe rwa gatanu agiriye ku maparuwasi agize Diyosezi ya Roma muri iki gihe cy’igisibo.
