Inkuru 2,361 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri iki cyumweru cya Gatatu cya Adiventi, kizwi nk’icyumweru cy’ibyishimo, tariki ya 14 Ukuboza 2025, muri Paruwasi ya Gikondo habereye igitambo cya Misa n’isengesho ryo gusabira abarwayi, ryayobowe n’abaturutse ku Ngoro ya Yezu Nyirimpuhwe mu Ruhango.
Nyiricyubahiro Antoine Karidinali Kambanda yongeye gutangaza aho umushinga wo kubaka Katederali ya Kigali ugeze, ahazubakwa hakaba ari ahahoze gereza ya Nyarugenge izwi nka gereza ya 1930. Ibi yabivugiye mu kiganiro yagiranye n’Urwego rw’Igihugu rw’Itangazamakuru, RBA, cyasohotse kuri iki Cyumweru tariki ya 14 Ukuboza 2025.
Arikiyepisikopi wa Kinshasa, Karidinali Fridolin Ambongo, yabigarutseho mu butumwa yatanze kuri iki Cyumweru tariki ya 14 Ukuboza 2025, mu gusoza Inama rusange ya 15 y’Ishyirahamwe ry’Inama z’Abepisikopi bo muri Afurika yo hagati (ACEAC). Iyo nama yari imaze iminsi itatu ibera I Kinshasa, yitabiriwe n’abepisikopi Gatolika bo mu Rwanda, mu Burundi no muri Repubulika Iharanira Demokarasi ya Kongo
Karidinali Fridolin Ambongo Besungu, Arkiyepiskopi wa Kinshasa, yasabye gusabira no guhumuriza abaturage bo mu mujyi wa Uvira, wibasiwe n’intambara, aho benshi batabashije guhunga kubera ubushobozi buke n’ifungwa ry’imipaka.
Kuri uyu wa 14 Ukuboza 2025, Diyosezi Gatolika ya Masaka muri Uganda, yatangaje ko Padiri Deusdedit Ssekabira, umwe mu bapadiri bayo, yashimuswe n’abantu bambaye impuzankano y’Ingabo za Uganda (UPDF) ku wa Gatatu tariki ya 3 Ukuboza 2025, mu mujyi wa Masaka.
Kuri uyu wa 13 Ukuboza 2025, ku munsi wa gatatu w’Inteko Rusange y’Ihuriro ry’Abepiskopi bo mu Rwanda, u Burundi na Repubulika Iharanira Demokarasi ya Congo, iteraniye i Kinshasa muri DRC,Antoine Karidinali Kambanda, Arkiyepiskopi wa Kigali akaba na Perezida w’Inama y’Abepiskopi Gatolika mu Rwanda yagaragaje ikibazo gikomeje kigaragara muri Afurika aho imibare y'Abakristu yiyongera ariko ntibijyane n'imibereho ihuje n'indangagaciro za gikristu.
Kuri uyu wa 12 Ukuboza 2025, Umunsi wa kabiri w’Inteko Rusange y’Ihuriro ry’Abepiskopi bo mu Rwanda, u Burundi na RDC, Myr Bonaventure NAHIMANA, Arikiyepiskopi wa Gitega yagaragaje ko ijwi rya Kiliziya risaba Amahoro mu Karere rikomeje gupfukiranwa bigatuma Akarere k'Ibiyaga bigari gakomeza kuba indiri y'intambara.
Ku wa 5 Ukuboza 2025, Umuryango w’urubyiruko rwisunze mutagatifu Karoli Lwanga, AJECL (Association des Jeunes de Saint Charles Lwanga – Rwanda) ufite ikicaro muri paruwasi ya Butwama muri Arikidiyosezi ya Kigali, wahurije hamwe abaturutse mu miryango inyuranye mu biganiro byimbitse byiswe Intra & Inter-Generational Dialogues, byari bigamije gusoza igisekuru cya mbere no gutangira icyiciro gishya cy’imyaka 25 mu rugendo rwo kubaka amahoro arambye mu Rwanda no mu karere k’Ibiyaga Bigari.
Kuwa Kane tariki ya 11 Ukuboza 2025, ku Kibuga cy’Indege Mpuzamahanga cya Fiumicino i Roma, hageze abimukira 122 bavuye mu mujyi wa Tripoli muri Libiya, babifashijwemo n’Ishami ry’Umuryango w’Abibumbye ryita ku Mpunzi, UNHCR.
Kuri uyu wa 11 Ukuboza 2025, i Kinshasa muri Repubulika Iharanira Demokarasi ya Congo hatangijwe ku mugaragaro inama y’Ihuriro ry’Inama z’Abepiskopi Gatolika bo muri Afrika yo Hagati (ACEAC). Ni inama ihuza abepiskopi bo mu Rwanda, u Burundi na RDC buri myaka itatu, igamije gushimangira ubutumwa bwa Kiliziya mu kubaka amahoro, kurengera ubuzima n’uburenganzira bwa muntu ndetse no gushaka ibisubizo birambye ku bibazo bikomeje guhangayikisha ako karere.
Uwahoze ayobora Mozambique, Filipe Nyusi, yakiranye ibyishimo uruzinduko rw’Umunyamabanga wa Leta ya Vatican, Pietro Kardinali Parolin, mu Ntara ya Cabo Delgado, anashimira Kiliziya Gatolika uruhare rwayo mu kunga Abanyamozambike no kubaka amahoro n’ubutabera.
Nyuma y’amezi atanu gusa, Papa Leo XIV yongeye guhura na Perezida wa Ukraine Volodymyr Zelensky baganira ku kibazo cy'intambara iki gihugu kimaze imyaka gihanganyemo n'u Burusiya.
Kuri uyu wa 09 Ukuboza 2025, ku nshuro ya 14, Kaminuza y'Ikoranabuhanga n'Ubugeni ya Byumba (University of Technology and Arts of Byumba UTAB) yatanze impamyabumenyi ku bagera ku 1610 barangije icyiciro cya kabiri cya Kaminuza.
Perezida w’Amerika Donald Trump yahimbaje umunsi mukuru wa Bikira Mariya utasamanywe icyaha wizihizwa tariki ya 8 Ukuboza buri mwaka. Ibinyamakuru bitandukanye byanditse ko ari ubwa mbere perezida w’Amerika agaragaje ku mugaragaro ko yemera uyu munsi mukuru wa Kiliziya Gatolika.
