Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri uyu wa Gatanu, tariki ya 28 Ugushyingo 2025, Abakristu baturutse mu Rwanda no mu mahanga bateraniye i Kibeho, mu rwego rwo guhimbaza umunsi mukuru wa Bikira Mariya Nyina wa Jambo n'isabukuru y'imyaka 44 ishize Bikira Mariya abonekeye mu Rwanda i Kibeho.
Kuri uyu wa 27 Ugushyingo 2025, Inama y’Abepiskopi Gatolika mu Rwanda (CEPR) yashyizeho Komisiyo y’Abepiskopi ishinzwe Amahame y’Ukwemera, Bibiliya n’Ubumwe bw’Abemera Kristu.Byabereye ku cyicaro k’Inama y’Abepiskopi Gatolika giherereye ku Ruyenzi, ahahuriye abagize iyi komisiyo mu nama yari igamije gutangira neza inshingano z’umwaka no gukomeza kwimakaza ubufatanye mu murimo wa Kiliziya.
Kuri uyu wa 27 Ugushyingo 2025, Papa Leo XIV yifatanyije n’abaturage ba Hong Kong mu kababaro nyuma y’inkongi y’umuriro ikomeye yibasiye inyubako ndende zo guturamo mu gace ka Tai Po, yahitanye imbaga nyamwinshi abandi barengerwa n’iyo nkongi kugeza n’ubu.
Papa Leo XIV yavuye i Roma mu gitondo cyo kuri uyu wa Kane, atangira urugendo rwe rwa mbere rwa gitumwa muri Turukiya, rugamije kugeza ubutumwa bw’amahoro n’ubumwe mu gihugu gifite uruhare rukomeye mu mibanire y’amadini n’amahanga.
Fridolin Karidinali Ambongo, Arkiyepiskopi wa Kinshasa muri Repubulika Iharanira Demokarasi ya Kongo (RDC), arahamagarira urubyiruko rw’Abakirisitu Gatolika rwo muri icyo gihugu “kuba abubaka ’ubumwe n’icyizere”, mu gihe igihugu gikomeje kurangwa n’amakimbirane, ubushyamirane n’urusobe rw’ibibazo byugarije abaturage.
Kuri uyu wa Gatatu, tariki ya 26 Ugushyingo 2025, ku cyicaro cy’Inama y’Abepiskopi Gatolika mu Rwanda giherereye ku Ruyenzi, hasorejwe inama ya Komisiyo y’Abepiskopi Ishinzwe Imihango Mitagatifu n’Itangwa Riboneye ry’Amasakaramentu (CECDDS). Iyi nama yayobowe na Mgr Vincent Harolimana, Umwepiskopi wa Diyosezi ya Ruhengeri akaba na Perezida wa Komisiyo, afatanyije n’abapadiri bahagarariye iyi Komisiyo mu ma diyosezi yose.
Mu gihe Papa Leo XIV yitegura urugendo rwe rwa mbere mpuzamahanga muri Turukiya no muri Libani, kuri uyu wa 26 Ugushyingo 2025, Cardinal Pietro Parolin, Umunyamabanga wa Leta ya Vatican, yatangaje ko uru rugendo ruzaba ubutumwa bw’amahoro, ubumwe n’ubwiyunge, ndetse rukaba rugamije gukomeza ukwemera n’ubutwari bw’abakirisitu bo mu Burasirazuba bwo Hagati.
Ibi babitangaje Ku wa mbere tariki ya 24 Ugushyingo 2025, ubwo abapadiri bakorera ubutumwa muri Duwayene ya Kabgayi muri Diyosezi ya Kabgayi basuye abapadiri bo muri Duwayene ya Kanyanza bakina umukino wa gicuti mu mupira w'amaguru. Umukino warangiye abapadiri bo muri Duwayene ya Kabgayi batsinze abo muri Duwayene ya ibitego 3 -1.
Kuri uyu wa 25 Ugushyingo 2025, Dikasiteri ishinzwe Ukwemera, yatangaze urwandiko yise una caro, bisobanuye ngo Umubiri umwe, rugamije kugaragaza ubwiza bw'ugushyingirwa hagati y'umugabo umwe n'umugore umwe.
Diyosezi Gatolika ya Kontagora muri Nigeria iratangaza ko hari “intambwe itanga icyizere” nyuma y’uko abana 50 mu barenga 300 bashimutiwe ku ishuri rya mutagatifu Maria, ku wa 21 Ugushyingo 2025, babashije gutoroka bakagera mu miryango yabo amahoro.
Nyuma y’imyaka ibiri y’intambara hagati ya Hamas na Israel, ubuzima bwa benshi muri Gaza buracyari mu kaga, ariko hari ibyiringiro bito bishingiye ku bikorwa by’ubutabazi biri kugenda bisubukurwa. N'ubwo hari ibimenyetso by’uko ibiribwa bitangiye kongera kugaragara ku maduka amwe, ibikenewe biracyari bike kandi ubuzima bw’abaturage benshi, cyane cyane abagarutse mu majyaruguru ya Gaza mu kwezi k’Ukwakira, buracyari bubi cyane.
Ku wa 22 Ugushyingo 2025, Padiri Eugène Niyonzima, Umuyobozi w’Umuryango w’Abapalotini mu Rwanda, Repubulika Iharanira Demokarasi ya Congo n’Ububiligi, yayoboye umuhango wo gutaha no guha umugisha imashini nshya zigezweho zigera ku munani icapiro rya Pallotti Presse Ltd ryungutse. Ni intambwe y’ingenzi mu kongerera imbaraga umurimo w’icapiro rimaze imyaka irenga 40 rifasha Kiliziya mu iyamamazabutumwa ryanditse.
Ibi yabitangaje ku cyumweru tariki ya 23 Ugushyingo 2025 ubwo Diyosezi ya Kabgayi yahimbazaga impurirane y’ibirori by’umunsi mukuru wa Kristu umwami, umunsi mpuzamahanga w’urubyiruko n’ibirori byo kwizihiza Yubile y’umuryango ku rwego rwa Diyosezi ya Kabgayi. Myr Balthazar Ntivuguruzwa umwepisikopi wa Kabgayi yasabye, imiryango kuba igicumbi cy’amizero n’ubuzima kandi bakaba ishuri ry’urukundo
Ku cyumweru tariki ya 23 Ugushyingo 2025 ku munsi mukuru wa Kristu Umwami, Papa Leo XIV yashyize ahagaragara urwandiko rwe rwa kabiri (Lettre Apostolic) rwitwa “In Unitate Fidei. Ni ibaruwa yatangaje mbere y’urugendo rwa gitumwa agiye kugirira mu gihugu cya Turukiya.
