Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Komisiyo y'Abepiskopi y'Ubutabera n'Amahoro irasaba ko hashyirwaho mu mashuri yose integanyanyigisho y'Umuco w'amahoro n'ubwitange kugira ngo abakiri bato bakurane indangagaciro z'amahoro ubunyangamugayo no kwitangira abandi.
Inama y'Abepiskopi Gatolika mu Rwanda yatangaje ko mu mushinga wo kubaka Ingoro Nini i Kibeho, nta kizasenywa mu bimenyetso byibutsa amateka y'Amabonekerwa bisanzwe i Kibeho ari byo: Ingoro y'Ububabare Burindwi bwa Bikira Mariya, Shapeli y'amabonekerwa n'ahahoze hubatse uruhimba babonekererwagaho.
Inteko rusange ya Librairie Caritas yateranye tariki 10 Mata 2025, yishimiye ko Librairie Caritas ikomeje gutanga umusanzu wayo mu bikorwa bya Caritas Rwanda byo kugoboka abatishoboye, isaba abakristu gukomeza kuyigana kuko uguriye Igikoresho muri Lbrairie Caritas aba afashije abatishoboye.
Mu butumwa bwo kuwa 14 Werurwe 2025, Abepiskopi basabye Abakristu kutamira bunguri ibyo babona mu bitangazamakuru no ku mbuga nkoranyambaga, kuko bishobora kubashora mu bitekerezo by'urwango n'ivanguramoko, ari na byo byagejeje kuri Jenoside yakorewe Abatutsi muri Mata 1994.
Mu ibaruwa yo ku wa 14 Werurwe 2025, y'Abepisikopi Gatolika mu Rwanda, Abepiskopi bibukije Abasaserdoti n'Abiyeguriyimana ko babujijwe kwivanga mu bikorwa bya Politiki kuko bihabanye n'ubutumwa bwabo.
En ce mercredi 09 avril 2025, Son Excellence Monseigneur Edouard SINAYOBYE, Évêque du Diocèse de Cyangugu, a effectué une visite d’amitié et de fraternité dans l’Archidiocèse de Bukavu. Une visite hautement symbolique qui s’inscrit dans la continuité des relations profondes et historiques entre ces deux églises sœurs, unies par bien plus que la proximité géographique — moins d’une heure de marche à pied sépare les deux évêchés — mais surtout par un esprit fraternel sincère et des engagements communs en faveur de la paix et de la justice.
Karidinali Antoni Kambanda, Arikiyepiskopi wa Kigali akaba na Perezida w'Inama y'Abepiskopi Gatolika mu Rwanda arasaba abanyarwanda gutoza abato umuco w'Amahoro n'ubuvandimwe kuko ari byo byabuze biba intandaro ya Jenoside yakorewe Abatutsi muri Mata 1994.
Ibi byagarutsweho Kuwa wa 6 Mata 2025, mu rugo rw'abapadiri b'abayozuwiti muri Diyosezi ya Cyangugu, ahasorejwe amahugurwa y'iminsi itatu, yahabwaga abakangurambaga b'abajyanama b'ingo basaga 60, bakaba barahugurwaga ku gusobanukirwa n'inzira y'ubwigishwa bushya bw'abahamagariwe umubano w'abashakanye ndetse n'uburyo bwo guherekeza umuryango mu mwihariko wa buri kiciro kiwugize.
Abepiskopi b'u Rwanda n'u Burundi bibumbiye mu ihuriro ACOREB bagiye gusubukura ibikorwa bibahuza byari byarahagaze birimo Amashuri yisumbuye ya ISPC Butare mu Rwanda na ICA Muyange mu Burundi.
Kuri uyu wa 04 Mata 2025 I Kabgayi muri Centre CEFOPPAK habereye inama y’inteko rusange ya Caritas ya Diyosezi ya Kabgayi. Ni inama yahuje abafatanyabikorwa bayo bose n’abayihagarariye hirya no hino muri paruwase zose, abafashamyumvire na bamwe mu bagenerwabikorwa bayo muri Diyosezi ya Kabgayi. Inama y’inteko rusange yatangijwe na Myr Balthazar Ntivuguruzwa umwepisikopi wa Diyosezi ya Kabgayi akaba n’umuyobozi mukuru wa Caritas muri Diyosezi ya Kabgayi. Yari igamije kugaragaza ibyakozwe mu mwaka wa 2024 no gufata ingamba nshya zizagenderwaho mu mwaka utaha wa 2025. Caritas ya Diyosezi yagaragaje ko umusaruro w’ukwezi k’urukundo n’impuhwe 2024 wikubye 3 ugereranyije n’umusaruro wabonetse mu kwezi k’urukundo n’impuhwe muri 2023.
Mu marushanwa y’umuco mu mashuri abanza n’ayimbuye yabaye kuva tariki ya 29-30 Werurwe 2025, itorero Urugwiro ry’ishuri ryisunze mutagatifu Berenadeta ku Kamonyi ESB ryegukanye igikombe ku mwanya wa mbere mu mashuri yisumbuye mu cyiciro cy’Imbyino n’amanota 90%.
Mu nyigisho nyirubutungane papa Fransisiko yageneye abakristu ku wa 26 Werurwe 2025 yagarutse ku gusaba abakristu kutabura amizero, ashimangira ko Kristu ari we mizero yacu. Ni inyigisho igaruka k’ubuzima bwa Yezu, abahuye na Yezu n’isomo ry’umunyasamariyakazi umwe Yezu yasabye amazi yo kunywa.
Madamu MUTESI Scovia, Umuyobozi w'Urwego rw'Abanyamakuru Bigenzura (RMC), yagaragaje ko urwego rw'Itangazamakuru ruhangayikishijwe no kuba abanyamakuru bamaze kugira ubunararibonye bava mu Itangazamakuru kubera ikibazo cy'Ibitangazamakuru bidahemba neza abakozi babyo.
Mu nama isanzwe ihuza Abepiskopi Gatolika b'u Rwanda n'ab'u Burundi, bibumbiye mu Ihuriro ACOREB, yateraniye i Kibungo tariki 30 Werurwe 2025 kugera tariki 1 Mata 2025, Abepiskopi bagaragaje ko bababajwe no kuba kugera ubu imipaka yo ku butaka ihuza u Rwanda n'u Burundi igifunze, basaba ko hakorwa ibishoboka igafungurwa Abarundi n'Abanyarwanda bakongera kugendererana kuko ari abavandimwe.
