Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri uyu wa 28 Kamena 2024, Ibiro by'Intumwa ya Papa mu Rwanda byahimbaje isabukuru y'imyaka 11 Papa Fransisiko abaye Umushumba wa Kiliziya Gatolika ku isi n'imyaka 60 Vatikani ifunguye Ambasade mu Rwanda.
Kuri uyu wa 27 Kamena 2024, Ishuri ry'Abakateshiste rya Nkumba, riherereye muri Santarali ya Nkumba, paruwasi Kinoni muri Diyosezi ya Ruhengeri, ryizihije umunsi mukuru wa mutagatifu Karoli Lwanga ryisunze rinaha Impamyabumenyi Abakateshiste 31 bashoje ikiciro cy'imyaka ibiri muri uyu mwaka wa 2023/2024.
Kuri uyu wa 25 Kamena 2024, Vatikani yatangaje ibirangantego by'uruzinduko Papa Fransisko azagirira mu Bubiligi na Luxembourg, mu mpera z'ukwezi kwa Nzeri 2024.
Kuri uyu wa gatanu tariki ya 21Kamena 2024, urubyiruko rugera kuri 36 rwize imyuga itandukanye muri Centre des Jeunes Saint Vincent Save muri Diyosezi ya Butare, rwahawe impamyabumenyi zibemerera kujya gutangira imirimo mu myuga bahisemo kwiga.
Kuri uyu wa 21 Kamena 2024, Minisiteri y'Uburezi yagiranye Inama n'Ubunyamabanga bw'Abepiskopi bushinzwe Amashuri Gatolika mu rwego rwo kurebera hamwe ingamba zo kurinda ubuzima bw'abana ku mashuri.
Inyigisho ya KAaridinali Kambanda mu birori bya Yubile y'Imyaka 50 Ivugururwa muri Roho Mutagatifu rigeze mu Rwanda.
Kuri uyu wa 15 Kamena 2024, Collège Saint Ignace Mugina yahimbaje ibirori bya Mutagatifu Ignace de Loyola yisunze.
Kuri uyu wa 14 Kamena 2024, Papa Fransisiko yitabiriye Inama y'abayobozi b'Ibihugu birindwi by'ibihangange ku isi, izwi nka G7, akaba abaye uwa mbere uyitabiriye.
Mu ruzinduko rw'ubutumwa yagiriye mu kigo ngororamuco cya Iwawa, kuri uyu wa 13 Kamena 2024, Myr Anaclet Mwumvaneza, yabwiye urubyiruko ko Kiliziya na Leta babitayeho kandi babakunda ndetse abizeza ko akomeje gukora ibishoboka ngo Abepiskopi bose bo mu Rwanda bazabasure.
Mu birori byo gusoza icyumweru cy'Uburezi Gatolika ku rwego rw'igihugu, byabereye i Kabgayi kuwa 7 Kamena 2024, Abepiskopi, abayobozi n'abandi bari bitabiriye ibi birori bafatanyije gutabariza abafite ubumuga, kugira ngo na bo babashe kubona uburezi bubagenewe n'ibindi byose bakenera kugira ngo babeho neza kandi batere imbere.
Kuri uyu wa 13 Kamena 2024, Myr Anaclet Mwumvaneza, Umwepiskopi wa Nyundo yasuye ikigo Ngororamuco cya IWAWA ahaturira Igitambo anaha amasakaramentu y'Ibanze Urubyiruko ruhagororerwa.
Inyigisho ya Myr Anaclet Mwumvaneza, muri yubile y'imyaka 50 y'ikigo nderabuzima cya Mukungu yabaye kuri uyu wa 12 Kamena 2024.
Mu birori by'umunsi mukuru wa Collège Saint Jean Nyarusange, Myr Balthazar Ntivuguruzwa, Umwepisikopi Wa Diyosezi ya Kabgayi, yavuze ko yishimiye uko abana barererwa muri iri shuri, bashyize mu bikorwa ingingo enye yababwiye ubwo yatangizaga umwaka w'amashuri wa 2023-2024.
Kuri uyu wa 9 Kamena 2024, Seminari Nto ya Zaza iherereye muri Paruwasi ya Zaza, muri Diyosezi ya Kibungo, yahimbaje umunsi wa Mutagatifu Kizito, wahowe Imana akaba ari na we waragijwe iyi Seminari.
