Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Soeur Nicole IYO-KOUNDOU wo mu muryango w'Abadominikani b'Abogezabutumwa ba Afurika, witabye Imana kuwa 23 Nzeri 2025, azize uburwayi, yashyinguwe kuri uyu wa 27 Nzeri 2025 mu irimbi ry’ababikira ry’uyu muryango riri i Byumba.
Imyanzuro y'Inteko rusange ya 175 y'Inama y'Abepiskopi Gatolika mu Rwanda yateraniye ku Ruyenzi tariki 23-26 Nzeli 2025.
Kuri uyu wa 26 Nzeli 2025, Abepiskopi basoje Inama y'Inteko rusange ya 175 yaberaga ku Ruyenzi.
Muri iki gihe isi yugarijwe n’intambara n’amakimbirane atandukanye, Papa Leo XIV arahamagarira abakristu gusenga basabira isi amahoro, cyane cyane mu guhurira hamwe bakavuga mu isengesho rya Rozari ntagatifu buri munsi mu kwezi k’ukwakira.
Kuri uyu wa Gatatu tariki ya 24 Nzeri 2025, mu turere twa Rusizi na Nyamasheke hasojwe igikorwa cyo gutaha ibikorwaremezo bitandukanye byubatswe ku nkunga y’Urwego rw’Igihugu rushinzwe Iterambere (RDB), bigamije gufasha abaturage baturiye Pariki y’Igihugu ya Nyungwe kugerwaho n’inyungu ziva mu bukerarugendo.
Israeli yafunze umupaka wa Allenby, uhuza Cisjordaniya (igice cya Palestine) na Jordaniya, nyuma y’igitero cyahitanye abasirikare babiri ba Israeli bari bacunze uwo mupaka. Ni igikorwa cyateje impagarara mu baturage b’Abanyapalestina ndetse n’abatanga ubufasha mpuzamahanga. Kubs Israheli yafunze uyu mupaka bivuze ko Abanyapalestina basaga miliyoni 3 bo muri Cisjordaniya batazongera kubona inzira yo kuhava, kuko nta kibuga cy'indege cyangwa inzira yo mu mazi bakwifashisha.
Ku Cyumweru tariki ya 21 Nzeri 2025, Mu isengesho rya Angelus ryabereye i Vatican, Nyirubutungane Papa Leo XIV yagaragaje impungenge zikomeye ku mibereho y’abaturage ba Gaza bakomeje guhura n’ibibazo bikomoka ku ntambara, gusenyerwa no guhunga. Papa Leo yavuze ko nta hazaza h’isi hubakiye ku kwihorera, intambara no guhatira abaturage guhunga.
Kuri uyu wa 23 kugera kuwa 26 Nzeli 2025, Abepiskopi Gatolika mu Rwanda bateraniye mu nama ku Ruyenzi muri Diyosezi ya Kabgayi, mu nteko rusange y’175 isanzwe y'igihembwe gitangira umwaka w’iyogezabutumwa.
Mu gihe isi ikomeje kwibaza ku mahoro arambye mu Burasirazuba bwo hagati aho intambara ishyamiranyije Israheli na Palestine imaze imyaka myinshi, ikibazo cy’iyemezwa rya Leta ya Palestine nacyo kiragenda gifata indi ntera. Kugeza ubu, ibihugu 151 muri 193 bigize umuryango w’Abibumbye byamaze kwemeza Palestine nk’igihugu cyigenga, mu gihe ibihugu 39 bikomeye ku isi byo bikomeje kuyihakana. Ibi bikaba bifite ingaruka zikomeye mu rwego rwa dipolomasi, amategeko mpuzamahanga, n’uburenganzira bwa muntu.
Ku wa 22 Nzeri 2025, abakuru b’ibihugu n’intumwa z’ibihugu bitandukanye bahuriye ku cyicaro gikuru cy’Umuryango w’Abibumbye i New York, baganira ku byemezo bimaze igihe bitavugwaho rumwe byo gushyigikira ubwigenge bwa Palestine. Ibihugu bikomeye bishyigikiye ko Parestine iba igihugu kigenga bityo hakabaho Israheli na Palestine kandi bikabana mu mahoro.
Ku wa 21 Nzeri 2025, muri Paruwasi Gatolika ya Shangi yo muri Diyosezi ya Cyangugu hasojwe icyiciro cya kabiri cy’urugendo rw’inyigisho z’isanamitima, ubumwe, ubwiyunge n’ubudaheranwa rwari rumaze amezi arenga atandatu. Abitabiriye bose hamwe bari 20, barimo batandatu basabye imbabazi abo bahemukiye muri Jenoside yakorewe Abatutsi mu 1994, ndetse n’abandi 14 babahaye imbabazi.
Kuri uyu wa Gatanu tariki ya 19 Nzeri 2025, mu Centre Diocesain de Pastorale Incuti hakomereje umunsi wa kabiri w’amahugurwa y’iminsi itatu ku nsanganyamatsiko igira iti: “Kugendera hamwe mu bumwe, mu bufatanye no mu butumwa muri Kiliziya.” Aya mahugurwa yateguwe na Diyosezi Gatolika ya Cyangugu, akaba ayobowe na Nyiricyubahiro Musenyeri Edouard Sinayobye, Umwepiskopi w’iyo Diyosezi.
Umudipolomate wa Vatikani ukomoka muri Tanzaniya, Arikiyepisikopi Novatus Rugambwa, yitabye Imana i Roma afite imyaka 67.
Kuwa 17 Nzeri 2025, Mu murenge wa Gatunda, ku kigo cyamashuri abanza cya Nyarurema giherereye mu Karere ka Nyagatare, habereye ubukangurambaga bugamije kurwanya imbogamizi zikibangamira abana bafite ubumuga kwitabira ishuri. Ni igikorwa cyateguwe ku bufatanye bwa Federasiyo yigihugu ishinzwe imikino yabantu bafite ubumuga na UNICEF, cyari kigamije gushyigikira uburezi budaheza binyuze mu mikino.
