Inkuru 2,362 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Kuri iki cyumweru tariki 7 Nzeri 2025, i Roma habaye umuhango wo gushyira mu rwego rw'Abatagatifu Carlo Acutis na Piergiorgio Frassati biyongereye ku rutonde rw'Abatagatifu batanze urugero rwiza rw'ubutungane.
Umuryango w’Ababikira b’abasohozabutumwa b’urukundo rwa Kristu (Abarangarukundo) wishimiye kwakira ababikira 3 bakoze amasezerano ya mbere n’ababikira 2 bakoze amasezerano ya burundu banifatanya n'abandi batatu bahimbaje Yubile y'imyaka 25. Ni ibiro byabereye kuri Paruwasi ya Ruhango kuwa 6 Nzeri 2025.
Kuri uyu wa 7 Nzeri 2025, Kiliziya Gatolika ku isi yishimiye ibirori bikomeye byabereye i Roma, ubwo Papa Leo XIV yayoboraga umuhango wo gushyira mu rwego rw'Abatagatifu umusore w'Umutaliyani Carlo Acutis wavutse mu 1991 uzwi nka God's Influencer kubera uko yakoresheje ikoranabuhanga mu kwamamaza Ukaristiya.
Kuri uyu wa wa gatatu tariki ya 03 Nzeri, Nyirubutungane Papa Leo XIV yasabye ubufasha mpuzamahanga ku gihugu cya Sudani yo muri Afurika y'Amajyaruguru yugarijwe n’ibibazo by'urugomo, inzara, ibiza ndetse n'indwara.
Ubuyobozi bw’ishuri rya Saint Joseph TSS NZUKI ryo mu Karere ka Ruhango, Umurenge wa Kabagari muri Diyosezi ya Kabgayi, Paruwasi ya Nzuki burishimira umusaruro mwiza iri shuri ryagize mu bizamini bisoza amashuri yisumbuye, aho abanyeshuri 2 baje mu 10 ba mbere batsinze neza mu gihugu mu masomo y'imyuga n'ubumenyingiro.
Umuryango w’abanyeshuri gatolika mu Rwanda JEC (Jeunesse Etudiantine Catholique) ni umwe mu miryango y’agisiyo gatolika ubarizwa mu mashuri yisumbuye na Kaminuza. Mu nteko rusange y’umuryango w’aba JEC yateraniye I Kigali mu ishuri rya St André i Nyamirambo, kuva tariki ya 29-31 Kanama 2025 urubyiruko rugize uyu umuryango rwasabwe kumenya gutega amatwi Roho mutagatifu no kwemera kuyoborwa nawe kuko ariwe uyobora inzira y’ubuzima bwabo. Ni ubutumwa bwatanzwe n’umuyobozi w’umuryango wa JEC ku rwego rw’igihugu ubwo hasozwaga inteko rusange y’umuryango, yari ifite insanganyamatsiko igira iti “Roho ni abayobore.” (Abanyagarati 5,16.)
Vatican yatangaje ko tariki ya 7 Nzeri 2025, Kiliziya Gatolika izashyira mu rwego rw’abatagatifu umusore wapfuye akiri muto Carlo Acutis, witabye Imana afite imyaka 15. Uyu musore yamenyekanye cyane ku izina rya God’s Influencer, kubera uburyo yakoresheje ikoranabuhanga mu kugaragaza ukwemera.
Myr Papias Musengamana Umwepiskopi wa Diyosezi ya Byumba yahaye abana b’abaririmbyi Pueri Cantores ubutumwa bwo kuba abagabuzi b’amahoro. Ni ubutumwa yatanze ubwo hasozwaga ihuriro ry’igihugu ry’umuryango w’abana b’abaririmbyi, Pueri Cantores ku wa 27 Kanama 2025, kuri Paruwasi ya Mutagatifu Karoli Lwanga I Nyamirambo muri Arikidiyosezi ya Kigali.
Kuri uyu wa 29 Kanama 2025, abakristu ba Diyosezi ya Kabgayi bakoreye urugendo Nyobokamana I Kibeho kwa Nyina wa Jambo. Ni urugendo bakoze bari kumwe na Myr Balthazar Ntivuguruzwa umwepisikopi wa Diyosezi ya Kabagyi ari nawe washishikarije abakristu kwitegura uru ruendo hamwe na Myr Smaragde Mbonyintege umwepisikopi wa Kabgayi uri mu kiruhuko cy’izabukuru n’abasaseredoti baje baherekeje abakristu baturutse muri paruwasi zose za Diyosezi ya Kabgayi. Bakaba batangaje ko umuco wo gukora urugendo nyobokamana utangiye, bityo ko buri mwaka muri uku kwezi abakristu ba Diyosezi ya Kabgayi bazajya bakora urugendo nyobokamana I Kibeho.
Kuri uyu wa 27 Knama 2025 paruwasi ya Kibangu yizihije Yubile y’impurirane y’imyaka 2025 y’ugucungurwa kwa muntu n’imyaka 125 ishize ivanjili igeze mu Rwanda n’imyaka 25 ishize imiryangoremezo ivutse muri iyi paruwasi. Ibirori byabimburiwe n’igitambo cya misa cyatuwe na Nyiricyubahiro Myr Balthazar Ntivuguruzwa umwepisikopi wa Diyosezi ya Kabgayi .Myr Balthazar yasabye abakristu gukuza ubukristu mu mimiryangoremezo kandi bukarushaho kubabyarira ubuvandimwe.
Abakristu ba Paruwasi yisunze Mutagatifu Agusitini Kibangu bari mu byishimo byo guhimbaza Yubile y’imyaka 25 ishize havutse imiryangoremezo muri iyi Paruwasi. Kuva mu mwaka w’i2000 nibwo gahunda y’imiryangoremezo yatangiye muri Paruwasi ya Kibangu. Ni gahunda yeze imbuto nyinshi nk’uko abakristu babivuga kuko umuryangoremezo wabafashije byinshi harimo no gutera intambwe mu bukristu, guca amacakubiri n’amakimbirane, kubafasha kuvugurura Kiliziya no kubaka Kiliziya ya Paruwasi ya Gasovu.
Mu rwego rwo gukomeza guhanga udushya no korohereza ababyeyi kubona ibikoresho by’ishuri, Librairie Caritas yashyize ahagaragara uburyo bushya bwo guhaha hifashishijwe ikoranabuhanga rya “babyeyi.web.app.”
Kuri uyu wa mbere, tariki ya 25 Kanama 2025, I Kigali muri Paruwasi yisunze Mutagatifu Karoli Lwanga i Nyamirambo, hatangijwe ku mugaragaro ihuriro ry’igihugu ry’umuryango w’abana b’abaririmbyi Pueri Cantores. Iri huriro rizamara iminsi itatu, ribaye ku nshuro ya 9, rigiye kubera i Nyamirambo mu ishuri rya St Andre, ryitabiriwe n’abana bagera ku 1300 baturutse mu ma Diyosezi yose uretse Diyosezi ya Gikongoro uyu muryango utarageramo.
Kuri uyu wa Gatandatu, tariki ya 23 Kanama 2025, Paruwasi ya Muramba yahimbaje yubile y’imyaka ijana ishize inkuru nziza igeze ahari mu Kingongo.
