Aheruka
Inkuru 2,424 zanditswe na Kinyamateka, zishyizwe mu byiciro n'ibice nk'uko ikinyamakuru kibisanzwe gikora.
Iri shuri ryatangiye mu 1924 rifite ibyumba bine byubakishijwe ibyatsi, ubu rifite ibyumba 55 bigezweho, ariko ubucucike bw’abanyeshuri bukomeje gutuma bamwe biga bicaye ku misambi.
Papa Leo XIV yavuze ko ubutumwa bw’ibanze bwa Kiliziya muri iki gihe ari ugufasha abantu kuzirikana ibibazo byimbitse by’ubuzima, birimo inkomoko n’iherezo ry’umuntu, igisobanuro cy’urukundo n’icy’imibabaro, ashimangira ko Kiliziya igomba kubigeraho cyane cyane binyuze mu butagatifu bw’umuntu ku giti cye no mu rukundo rwa kivandimwe.
Tariki ya 7 Ukwakira ni umunsi ukomeye mu mateka ya Kiliziya Gatolika mu Rwanda, kuko ari bwo ku wa 7 Ukwakira 1917, muri Katedrali ya Kabgayi, Abanyarwanda babiri ari bo Balthazar Gafuku na Donat Reberaho bahawe Isakramentu ry’Ubusaseridoti. Ni bo babaye abapadiri ba mbere b’Abanyarwanda, nyuma y’imyaka 17 gusa Ivanjili igeze mu Rwanda.
Abepiskopi bo hirya no hino muri Afurika basabye ko urubanza ruregwamo Arkiyepiskopi Alick Banda, Umushumba wa Arikidiyosezi Gatolika ya Lusaka muri Zambia, kuri ubu wafunguwe byagataeganyo, runyura mu mucyo, mu butabera hubahirizwa uburenganzira bwe, bamwizeza we n’Abakirisitu bo muri Zambia ko babashyigikiye kandi babasabira.
Papa Leo XIV yagaragaje agahinda gakomeye atewe n’urupfu rw’abaturage biciwe mu gitero cy’indege cyagabwe muri Gaza, asabira abitabye Imana ndetse yizeza Abakristu bahatuye ko akomeje kubasengera.
Umwepiskopi wa Diyosezi Gatolika ya Ngong, John Oballa Owaa, avuga ko ibibazo by’imiryango biri mu bituma abana bamwe bagera mu mihanda, bakabura uburinzi n’umutekano bari bakwiye kubona mu miryango yabo.
Abepiskopi Gatolika bo muri Ethiopia basabye impande zose zifite uruhare mu mirwano yongeye kubura mu bice bitandukanye by’iki gihugu, cyane cyane muri Tigray, Afar, Amhara na Oromia, guhagarika imirwano, bagahitamo ibiganiro, imbabazi n’ubwiyunge kugira ngo amahoro arambye aboneke.
Papa Leo XIV yasabye abapadiri, abihayimana n’abiyeguriyimana bo muri Koreya y’Epfo kuzaba “abahamya b’ibyiringiro” ku rubyiruko ruzitabira Umunsi Mpuzamahanga w’Urubyiruko uzabera i Seoul mu 2027, ndetse bakaba “abubatsi b’amahoro” ku gice cya Koreya kigikomeje kugira ibikomere by’amacakubiri.
Nyiricyubahiro Myr Édouard Sinayobye, Umwepiskopi wa Diyosezi ya Cyangugu, kuva ku wa 15 Nzeri 2026 ari mu ruzinduko rwa gishumba muri Leta Zunze Ubumwe za Amerika, aho ahura n’Abanyarwanda, by’umwihariko abakristu Gatolika batuye muri Leta zitandukanye.
Abepiskopi Gatolika mu Rwanda baraburira abantu bakomeje kwigisha cyangwa gukwirakwiza inyigisho zinyuranyije n’umurongo wa Kiliziya kuri Kibeho, bamwe bakabikora bitwaje amabonekerwa cyangwa ubutumwa bavuga ko bahawe, bakemeza ko bashobora gufatirwa ibihano nibakomeza kurenga ku mabwiriza.
Mu Gitambo cya Misa y’amasezerano y’ababikira bo mu muryango w’Ababikira b’Abadominikani b’Abogezabutumwa muri Afurika, cyabereye muri Paruwasi ya Gihara muri Diyosezi Gatolika ya Kabgayi ku wa 4 Ukwakira 2026, Nyiricyubahiro Musenyeri Balthazar Ntivuguruzwa, Umwepiskopi wa Diyosezi Gatolika ya Kabgayi, yibukije abihayimana ko Uwihayimana atari uwo mu Kiliziya.
Mama Beatha Mukamurama, umwe mu bihaye Imana bo mu Muryango w’Ababikira b’Abadominikani b’Abogezabutumwa muri Afurika, yahimbaje Yubile y’imyaka 25 amaze yiyeguriye Imana, ashimira abamubereye urugero rwiza ndetse n’abamuciye intege, avuga ko ibyiza n’ibigeragezo yanyuzemo byamufashije gukura mu kwemera.
Kuri iki Cyumweru tariki ya 4 Ukwakira 2026, muri Paruwasi ya Gihara yitiriwe Mutagatifu Visenti wa Pawulo, habereye ibirori byo kwakira amasezerano y’ababikira batatu bo mu Muryango w’Ababikira b’Abadominikani b’Abogezabutumwa muri Afurika, aho babiri bakoze amasezerano ya mbere, naho umwe akora amasezerano ya burundu.
“Diyosezi Kabgayi twubake Umuryango w’Imana ugenderahamwe” ni insanganyamatsiko y’umwaka w’iyogezabutumwa wa 2026–2027 yatangajwe na Nyiricyubahiro Myr Balthazar Ntivuguruzwa, Umwepiskopi wa Diyosezi Gatolika ya Kabgayi, asaba abakristu kuyigira umurongo ngenderwaho mu kubaka Kiliziya irangwa n’ubumwe, ubufatanye n’ubusabane.
